હરિયાણા અને જમ્મુ-કાશ્મીરમાં વિધાનસભા ચૂંટણી 2024ના પરિણામો બાદ વડાપ્રધાન નરેન્દ્ર મોદીની પહેલી પ્રતિક્રિયા આવી છે. તેમણે કહ્યું કે ભારતીય જનતા પાર્ટીને ફરી એકવાર સ્પષ્ટ બહુમતી આપવા બદલ હું હરિયાણાની જનતાને સલામ કરું છું. આ વિકાસ અને સુશાસનની રાજનીતિની જીત છે. હું અહીંના લોકોને ખાતરી આપું છું કે અમે તેમની આકાંક્ષાઓને પૂર્ણ કરવામાં કોઈ કસર છોડીશું નહીં.
હું મારા તમામ સાથીઓને પણ અભિનંદન આપું છું જેમણે આ મહાન વિજય માટે અથાક અને સંપૂર્ણ સમર્પણ સાથે કામ કર્યું! તમે માત્ર રાજ્યની જનતાની સારી સેવા કરી નથી, પરંતુ અમારો વિકાસ એજન્ડા તેમના સુધી પહોંચાડ્યો છે. તેનું પરિણામ એ છે કે હરિયાણામાં ભાજપે આ ઐતિહાસિક જીત હાંસલ કરી છે.
