ગુજરાતમાં મેઘતાંડવ ફિક્સ! 31 જુલાઈ સુધી એકપણ તાલુકો કોરો નહીં રહે, જાણો આગામી 48 કલાક ક્યાં કેવો પડશે વરસાદ

દક્ષિણ ગુજરાત અને અમદાવાદ સહિતના વિસ્તારોમાં છેલ્લા બે દિવસથી પડી રહેલા ભારે વરસાદને કારણે સામાન્ય જનજીવન ખોરવાઈ ગયું છે. લોકો હવે મેઘરાજા પાછા ફરે તેવી પ્રાર્થના કરી રહ્યા છે. બીજી તરફ, સૌરાષ્ટ્ર અને ઉત્તર ગુજરાતના કેટલાક જિલ્લાઓ હજુ પણ સારા વાવણીલાયક વરસાદની આતુરતાથી રાહ જોઈ રહ્યા છે. આગામી 3 દિવસ દરમિયાન ઉત્તર ગુજરાત અને મધ્ય ગુજરાતના તમામ જિલ્લાઓ તેમજ અમદાવાદ, ગાંધીનગર, સાબરકાંઠા, અરવલ્લી, બનાસકાંઠા, પાટણ અને મહેસાણામાં ભારેથી અતિ ભારે વરસાદની સંપૂર્ણ શક્યતા છે.

એકસાથે 5 સિસ્ટમ સક્રિય: આગામી 7 દિવસ માટે વરસાદ કેવો રહેશે?

હાલમાં, રાજ્ય અને તેની આસપાસના વિસ્તારોમાં 5 હવામાન સિસ્ટમ સક્રિય છે, જેમાં એક લો પ્રેશર સિસ્ટમ, એક મોનસુન ટ્રફ, બીજી ટ્રફલાઇન, એક વેસ્ટર્ન ડિસ્ટર્બન્સ અને વેસ્ટર્ન ડિસ્ટર્બન્સ પર રચાયેલ ટ્રફનો સમાવેશ થાય છે. આ બધી સિસ્ટમો એકસાથે સક્રિય થવાને કારણે, આગામી 7 દિવસ માટે રાજ્યમાં ભારેથી અતિ ભારે વરસાદની સંપૂર્ણ શક્યતા છે. ૨૪-૨૫ જુલાઈથી ૩૧ જુલાઈ દરમિયાન ૨.૫ થી ૪ ઈંચ વાવણી લાયક વરસાદની શક્યતા છે. સૌરાષ્ટ્રની વાત કરીએ તો, મોરબી અને સુરેન્દ્રનગરમાં એક કે બે રાઉન્ડ ભારે વરસાદ પડી શકે છે, જ્યારે બોટાદ, ભાવનગર, રાજકોટ અને જૂનાગઢમાં મધ્યમથી સારો વરસાદ પડી શકે છે.

ઉત્તર અને મધ્ય ગુજરાતમાં આગામી ૩ દિવસ દરમિયાન ખૂબ જ ભારે વરસાદ પડશે
હવામાન વિભાગના જણાવ્યા અનુસાર, ઉત્તર અને મધ્ય ગુજરાતમાં આગામી ૩ દિવસ દરમિયાન ભારેથી ખૂબ જ ભારે વરસાદ પડી શકે છે. જેમાં અમદાવાદ, ગાંધીનગર, સાબરકાંઠા, અરવલ્લી, બનાસકાંઠા, પાટણ અને મહેસાણામાં ભારે વરસાદની આગાહી કરવામાં આવી છે. આજે ૭ જિલ્લામાં રેડ એલર્ટ જારી કરવામાં આવ્યું છે, જ્યારે અમદાવાદ, આણંદ અને રાજકોટ સહિત ૧૫ જિલ્લામાં ઓરેન્જ એલર્ટ જારી કરવામાં આવ્યું છે.

સૌરાષ્ટ્ર, પશ્ચિમ સૌરાષ્ટ્ર અને કચ્છ માટે રાહતના સમાચાર
જે વિસ્તારોમાં હજુ સુધી ચોમાસાનો સંપૂર્ણ લાભ મળ્યો નથી, ત્યાં શીયર ઝોન અને લો-પ્રેશર સિસ્ટમ સક્રિય થવાથી સાર્વત્રિક વરસાદની આશા જાગી છે. મોરબી અને સુરેન્દ્રનગરમાં એક કે બે રાઉન્ડ ભારે વરસાદ પડી શકે છે. જ્યારે બોટાદ, ભાવનગર, રાજકોટ અને જૂનાગઢમાં મધ્યમથી સારો વરસાદ પડશે. જ્યારે દ્વારકા, જામનગર અને પોરબંદર જેવા 90% વિસ્તારોમાં 24-25 જુલાઈથી 31 જુલાઈ દરમિયાન 2.5 થી 4 ઇંચ વાવણી યોગ્ય વરસાદ પડી શકે છે. રાપર સહિત તમામ તાલુકાઓમાં મધ્યમ વરસાદની શક્યતા છે. આ એક વ્યાપક રાઉન્ડ હોવાથી, 31 જુલાઈ સુધીમાં રાજ્યનો કોઈ તાલુકો વરસાદ વિના રહેશે નહીં.

દક્ષિણ ગુજરાતની સ્થિતિ, અત્યાર સુધીના વરસાદના આંકડા
દક્ષિણ ગુજરાતમાં 24 જુલાઈથી વરસાદની તીવ્રતામાં થોડો ઘટાડો જોવા મળશે. જોકે, આગામી 24 કલાકમાં સુરત, વલસાડ, નવસારી અને તાપી જેવા જિલ્લાઓમાં ભારે વરસાદ પડવાની શક્યતા છે. આજે સવારે 6 વાગ્યાથી રાજ્યના 262 તાલુકાઓમાં વ્યાપક વરસાદ નોંધાયો છે, જેમાંથી 140 તાલુકાઓમાં 1 ઇંચથી વધુ વરસાદ પડ્યો છે. પાટણના સાંતલપુરમાં સૌથી વધુ 14.5 ઇંચ અને રાધનપુરમાં 11 ઇંચ વરસાદ નોંધાયો છે.