બોલિવૂડ એક્ટર અર્જુન કપૂર લાંબા સમયથી એક્ટ્રેસ મલાઈકા અરોરાને ડેટ કરી રહ્યો છે. રવિવારે અભિનેતા તેની પ્રેમિકાની માતાને મળવા આવ્યો હતો. ત્યારથી જ બન્નેના લગ્નને લઈ સમાચારો ખુબ તેજ બની ગયા છે. અર્જુન કપૂરની કેટલીક તસવીરો અને વીડિયો હાલ સોશિયલ મીડિયા પર વાયરલ થઈ રહ્યા છે. જેમાં તે મલાઈકા અરોરાના ઘરે સ્પોટ થયો છે.
ચાહકો હવે તેમના લગ્નને લઈને અટકળો લગાવવા લાગ્યા છે. અર્જુન કપૂર રવિવારે સવારે મલાઈકા અરોરાના ઘરે જોવા મળ્યો હતો. આ દરમિયાન પેપ્સે તેને પોતાના કેમેરામાં કેદ કરી લીધો હતો. આ દરમિયાન અર્જુન કપૂર બ્લેક લુકમાં જોવા મળ્યો હતો. તે કાર્ગો જીન્સ અને બ્લેક ટીશર્ટ સાથે બ્લેક શેડ્સમાં જોવા મળ્યો હતો.
અભિનેતાના લાંબા વાળ અને વધેલી દાઢી તેના દેખાવને વધુ ડેશિંગ બનાવી રહી છે. અભિનેતાની આ તસવીરો જોઈને ચાહકો હવે અનુમાન લગાવી રહ્યા છે કે આ કપલ જલ્દી લગ્ન કરવા જઈ રહ્યું છે. કેટલાક યુઝર્સ અર્જુનની આ તસવીરો પર કોમેન્ટ કરી રહ્યા છે અને લખી રહ્યા છે કે હવે તેઓ માત્ર તેના જ લગ્નની રાહ જોઈ રહ્યા છે.
તમને જણાવી દઈએ કે અર્જુન કપૂર સિવાય મલાઈકાની નાની બહેન અને અભિનેત્રી અમૃતા અરોરા પણ તેની માતાના ઘરે જોવા મળી હતી. આ દરમિયાન અમૃતા અરોરા પ્રિન્ટેડ શોર્ટ ડ્રેસમાં જોવા મળી હતી. અભિનેત્રી પોતાના પુત્ર સાથે માતાના ઘરે પહોંચી હતી.
