મેટાની માલિકીની વોટ્સએપ અને ઈન્સ્ટાગ્રામ ગઈકાલે રાત્રે બંધ થઈ ગયા હતા. આ બંને લોકપ્રિય મેસેજિંગ અને સોશિયલ મીડિયા પ્લેટફોર્મ 3 એપ્રિલના રોજ લગભગ 11.45 વાગ્યે ડાઉન થઈ ગયા હતા, જેની અસર સવારના 2 વાગ્યા સુધી જોવા મળી હતી. Downdetector વેબસાઈટ અનુસાર, WhatsApp એપની સાથે વોટ્સએપ વેબના લોગિનમાં સમસ્યા હતી. લોગિન પર સેવા હાલમાં અનુપલબ્ધ હોવાનો મેસેજ આવી રહ્યો હતો.
વોટ્સએપે પુષ્ટિ કરી
વ્હોટ્સએપે સોશિયલ મીડિયા પ્લેટફોર્મ X પર પોસ્ટ કરીને માહિતી આપી છે કે તે વાકેફ છે કે હાલમાં કેટલાક લોકો સમસ્યાઓનો સામનો કરી રહ્યા છે. અમે આ મુદ્દા પર સતત કામ કરી રહ્યા છીએ, અને શક્ય તેટલી વહેલી તકે સેવા પુનઃસ્થાપિત કરીશું. અહેવાલ મુજબ રાત્રે લગભગ 1 વાગ્યા સુધીમાં, વોટ્સએપ અને ઇન્સ્ટાગ્રામ ફરીથી કામ કરવાનું શરૂ કરી દીધું હતું.
કેટલીય વખત ઇન્સ્ટા અને વોટ્સએપ ડાઉન થયું
આ પહેલીવાર નથી જ્યારે ઇન્સ્ટાગ્રામ અને વોટ્સએપ ડાઉન થયું હોય. આ પહેલા આ વર્ષે માર્ચમાં ઈન્સ્ટાગ્રામ અને ફેસબુક ડાઉન થઈ ગયા હતા. આનો અર્થ એ થયો કે છેલ્લા એક મહિનામાં બીજી વખત ઇન્સ્ટાગ્રામ, ફેસબુક અને વોટ્સએપ ડાઉન થયાની માહિતી મળી છે. તે સમય દરમિયાન ઘણા યુઝર્સ ફરિયાદ કરી રહ્યા હતા કે તેમના Instagram અને Facebook આપોઆપ લોગ આઉટ થઈ રહ્યા છે.
ઇન્સ્ટા અને વોટ્સએપ કેમ ડાઉન હતા?
જો કે અત્યાર સુધી વોટ્સએપ, ઈન્સ્ટાગ્રામ અને ફેસબુક કેમ ડાઉન થયું તેની કોઈ માહિતી મળી નથી. તમને જણાવી દઈએ કે ઈન્સ્ટાગ્રામ, ફેસબુક અને વ્હોટ્સએપનો સમગ્ર વિશ્વમાં મોટો યુઝર બેઝ છે. આ ત્રણેય એપ્સ એક જ કંપની મેટા હેઠળ કામ કરે છે, જેના માલિક માર્ક ઝકરબર્ગ છે. Meta હાલમાં વિશ્વભરમાં લગભગ 3.19 અબજ દૈનિક સક્રિય યુઝર્સ ધરાવે છે.
