દિનેશ કાર્તિકે સનરાઇઝર્સ હૈદરાબાદ સામે રમાયેલી છેલ્લી મેચમાં 83 રનની શાનદાર ઇનિંગ રમીને રોયલ ચેલેન્જર્સ બેંગ્લોરને જીત અપાવવાનો પૂરો પ્રયાસ કર્યો હતો. જોકે, કાર્તિકની ઇનિંગ બેંગલુરુને મદદ કરી શકી ન હતી. કાર્તિકની આ ચર્ચાઓ વચ્ચે હવે સોશિયલ મીડિયા પર એક વીડિયો વાયરલ થઈ રહ્યો છે, જેમાં વિરાટ કોહલી ડીકેની પત્ની વિશે કંઈક કહેતો જોવા મળી રહ્યો છે. તો ચાલો જાણીએ શું છે સમગ્ર મામલો.
સોશિયલ મીડિયા પર વાયરલ થઈ રહેલા વીડિયોમાં દિનેશ કાર્તિક RCB કેપ્ટન ફાફ ડુ પ્લેસિસ, વિરાટ કોહલી, મોહમ્મદ સિરાજ અને રજત પાટીદાર સાથે બેસીને સવાલોના જવાબ આપતા જોવા મળે છે. વીડિયોમાં જોઈ શકાય છે કે દિનેશ કાર્તિક સવાલ પૂછે છે, ‘ક્રિકેટ સિવાય મારો ફેવરિટ સ્પોર્ટ્સપર્સન કોણ છે?’
વિરાટ કોહલી ડીકે તરત જ આ પ્રશ્નનો જવાબ આપે છે અને કહે છે, “તમારી પત્ની.” કોહલીનો આ જવાબ સાંભળીને દિનેશ કાર્તિક કહે છે કે, આ શાનદાર જવાબ છે. આ સાંભળીને કોહલી જોરથી હસવા લાગે છે અને પછી દિનેશ કહે છે, “મારા મનમાં અલગ જ જવાબ હતો.”
હવે તમે વિચારતા હશો કે વિરાટ કોહલીએ પોતાના સવાલમાં દિનેશ કાર્તિકની પત્નીનું નામ કેમ લીધું? તો અમે તમને જણાવીએ કે દિનેશ કાર્તિકાની પત્નીનું નામ દીપિકા પલ્લીકલ છે અને તે સ્ક્વોશ પ્લેયર છે. આ કારણથી વિરાટ કોહલીએ દિનેશ કાર્તિકના સવાલનો જવાબ આપતાં તેની પત્નીનું નામ જણાવ્યું હતું.
તમને જણાવી દઈએ કે દિનેશ કાર્તિક IPL 2024માં શાનદાર ફોર્મ બતાવી રહ્યો છે. કાર્તિક RCB માટે લોઅર ઓર્ડર ફિનિશર તરીકે રમે છે. 7 મેચની 6 ઇનિંગ્સમાં બેટિંગ કરીને તેણે 75.33ની એવરેજ અને 205.45ના લાઈટનિંગ સ્ટ્રાઈક રેટથી 226 રન બનાવ્યા છે. આ દરમિયાન તેણે 2 અડધી સદી ફટકારી છે.
