રિલાયન્સ જિયો અને એરટેલે તેમના રિચાર્જ પ્લાનની કિંમતોમાં વધારો કરીને યુઝર્સના ટેન્શનમાં વધારો કર્યો છે. Jio પ્લાનની વધેલી કિંમતો આવતા મહિનાથી લાગુ કરવામાં આવશે. આ સમાચાર આવ્યા બાદ લોકો ચિંતિત છે. જો તમે વધારે પૈસા ખર્ચવા નથી માંગતા તો અમે તમને કેટલાક એવા રિચાર્જ પ્લાન વિશે જણાવવા જઈ રહ્યા છીએ જેનાથી તમને સારો ફાયદો થશે પરંતુ શરત એ છે કે તમારે આ રિચાર્જ 3 જુલાઈ પહેલા કરાવવા પડશે.
એરટેલ અને જિયો યુઝર્સને 2 જુલાઈ સુધી રિચાર્જ કરવાની તક છે. જો તમે 2 જુલાઈ સુધીમાં રિચાર્જ કરો છો, તો તમે જૂની કિંમતે રિચાર્જ કરી શકશો. Jio અને Airtel યૂઝર્સ એક વર્ષની વેલિડિટી માટે રિચાર્જ કરી શકે છે, જેનાથી તેમને ફાયદો થશે. જ્યારે Jioના પ્લાનની કિંમત 155 રૂપિયા હતી, હવે તમને તે જ ફાયદા સાથે 189 રૂપિયામાં મળશે.
એરટેલનો 179 રૂપિયાનો પ્લાન હવે 199 રૂપિયામાં ઉપલબ્ધ
આ સાથે એરટેલનો 179 રૂપિયાનો પ્લાન હવે 199 રૂપિયામાં ઉપલબ્ધ થશે. પરંતુ તમારે એક વાત જાણવાની જરૂર છે કે 2 જુલાઈ સુધી તમે જૂના રિચાર્જ પ્લાનથી જ રિચાર્જ કરાવી શકો છો, જેનાથી તમને ફાયદો થશે. જિયોએ તેના રિચાર્જ પ્લાનમાં 27 ટકા સુધીનો વધારો કર્યો છે.
પહેલા જિયોએ તેના રિચાર્જ પ્લાન અંગે સત્તાવાર જાહેરાત કરી હતી. ત્યારબાદ Jio પછી એરટેલે ટેરિફ પ્લાનની કિંમતો વધારવાની વાત કરી. બંને કંપનીઓએ 5G સેવા શરૂ કર્યા બાદ પોતાના પ્લાનમાં આ મોટો વધારો કર્યો છે. જો કે આ પહેલા પણ કંપનીઓએ કેટલાક પ્લાનમાં ફેરફાર કર્યો હતો, પરંતુ આ વખતે સમગ્ર પોર્ટફોલિયોમાં ફેરફાર કરવામાં આવ્યો છે.
