હવામાન વિભાગે આજે રાજ્યના ત્રણ જિલ્લામાં ગાજવીજ સાથે ભારે વરસાદની આગાહી કરી છે. .. હવામાન વિભાગે સુરત, નવસારી અને વલસાડમાં ભારે વરસાદની ચેતવણી આપી છે. અન્ય જિલ્લાઓમાં હળવાથી મધ્યમ વરસાદની આગાહી છે.
સંઘ પ્રદેશ દમણ અને દાદરાનગર હવેલી પણ વરસાદ માટે યલો એલર્ટ પર છે. દીવના પ્રવાસન સ્થળમાં હળવોથી મધ્યમ વરસાદ પડી શકે છે. ઉત્તર ગુજરાતના બનાસકાંઠા, પાટણ, મહેસાણા, સાબરકાંઠામાં વરસાદ પડી શકે છે. તો ગાંધીનગર, ખેડા, આણંદ, અમદાવાદ, પંચમહાલ અને દાહોદમાં વરસાદની શક્યતા છે. હવામાન વિભાગે આજે કચ્છ-સૌરાષ્ટ્ર જિલ્લામાં બે દિવસ હળવાથી મધ્યમ વરસાદની આગાહી કરી છે. કચ્છ, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદમાં પણ વરસાદની આગાહી છે.
અંબાલાલ શું આગાહી કરે છે?
હવામાનશાસ્ત્રી અંબાલાલ પટેલે આગામી 24 કલાકમાં અમદાવાદ અને ગાંધીનગરમાં ભારે વરસાદની આગાહી કરી છે. તો મધ્ય અને દક્ષિણ ગુજરાતની સાથે સૌરાષ્ટ્રમાં 14 જુલાઈ સુધી વરસાદ પડી શકે છે. દેશના અન્ય રાજ્યોની વાત કરીએ તો ઉત્તરાખંડના લાલકુવામાં વરસાદ બાદ જળબંબાકારની સ્થિતિ છે. પાણી ભરાતા રેલ્વે ટ્રેક પર પાણી ડૂબી ગયા હતા. ઉત્તરાખંડમાં પણ રસ્તાઓ વરસાદી પાણીથી ભરાઈ ગયા છે.
