કરીના કપૂર ખાન અને સૈફ અલી ખાનનો પુત્ર તૈમૂર તેના જન્મથી જ ચર્ચામાં છે. તૈમુરની સાથે તેની આયા લલિતા ડી’સિલ્વા પણ ચર્ચામાં રહી છે. લલિતા તેના જન્મથી જ તૈમૂરની સંભાળ લઈ રહી છે. તે તૈમૂરના નાના ભાઈ જેહનું પણ ધ્યાન રાખે છે. લલિતા ઘણીવાર તૈમૂર અને જેહ સાથે જોવા મળી છે. લલિતાએ હાલમાં જ કરીના અને સૈફના વખાણ કર્યા છે. તે કહે છે કે તે સ્ટાફ સાથે સારી રીતે વર્તે છે અને સ્ટાફ માટે તે જ ફૂડ તૈયાર કરવામાં આવે છે જે સૈફ-કરીના ખાય છે. તેણે 2.5 લાખ રૂપિયાનો પગાર મેળવ્યો હોવાની પણ પ્રતિક્રિયા આપી છે.
લલિતા ડી’સિલ્વાએ હિન્દી રશને આપેલા ઈન્ટરવ્યુમાં કહ્યું, “તેઓ (કરીના કપૂર ખાન-સૈફ અલી ખાન) ખૂબ જ સરળ લોકો છે. સવારની દિનચર્યા એવી છે કે સ્ટાફ, કરીના અને સૈફ, અમે બધા એક સરખો ખોરાક ખાઈએ છીએ. એવી કોઈ વાત નથી કે સ્ટાફ માટે અલગ ભોજન હશે. સમાન ખોરાક અને સમાન ગુણવત્તા. ઘણી વખત અમે બધાએ સાથે ખાધું છે.”
જ્યારે લલિતા ડી’સિલ્વાને દર મહિને તેની 2.5 લાખ રૂપિયાની સેલરી વિશે પૂછવામાં આવ્યું તો તે હસવા લાગી. તેમણે આટલા ઊંચા પગારને અફવા ગણાવી હતી. તેણે કહ્યું, “અઢી લાખ રૂપિયા? હું ઈચ્છું છું કે એટલા હોત! તમારા મોં માં ઘી ખાંડ. આ બધી અફવાઓ છે.” લલિતા લાંબા સમયથી કરીના-સૈફના બાળકો માટે કામ કરી રહી છે. બાળકોની સંભાળ રાખવા માટે વેકેશનમાં કરીના-સૈફ લલિતાને પણ સાથે લઈ જાય છે.
કરીના કપૂર ખાને એકવાર એક્સપ્રેસ અડ્ડાને આપેલા ઈન્ટરવ્યુમાં કહ્યું હતું કે બાળકોની આયાઓ માટે નિયમ છે કે તેમણે તેમની સાથે જ જમવું જોઈએ. તેણે કહ્યું હતું કે, “મારા બાળકોની આયાઓ તેમની સાથે ભોજન ખાય છે કારણ કે સૈફ અને હું એક જ રીતે જમીએ છીએ. તૈમૂર પૂછતો હતો કે શું તે (નૈની) અલગથી ખાય છે અને જેહ પણ પૂછે છે – ‘તું ત્યાં કેમ બેઠો છે? “અહીં બેસ.”
