HDFC બેંકે MCLR એટલે કે માર્જિનલ કોસ્ટ ઓફ ફંડ આધારિત ધિરાણ દર વધારવાની જાહેરાત કરી છે. બેંકની સત્તાવાર વેબસાઈટ અનુસાર નવું વ્યાજ 8 ઓગસ્ટથી લાગુ થશે. બેંકે MCLRમાં 5 બેસિસ અથવા 0.05 ટકાનો વધારો કર્યો છે. MCLRના આધારે બેંક દ્વારા આપવામાં આવતી લોન પર વ્યાજ દર હવે 9.10 ટકાથી 9.45 ટકા સુધી રહેશે.
જ્યારે કોઈપણ બેંક અથવા નાણાકીય સંસ્થા લોન આપે છે, ત્યારે તેના પર જે લઘુત્તમ વ્યાજ લેવાનું હોય છે તેને MCLR કહેવામાં આવે છે. આ કોઈપણ લોન પર લઘુત્તમ વ્યાજ દર્શાવે છે. ઋણ લેનારને આટલું વ્યાજ ચૂકવવું પડશે, જો RBI તેમાં કોઈ ફેરફાર ન કરે. તમને જણાવી દઈએ કે બદલાયેલા વ્યાજ દરની અસર તે જૂના ગ્રાહકો પર પણ પડશે જેમણે ફ્લોટિંગ રેટ પર લોન લીધી છે.
HDFC બેંક દ્વારા MCLRમાં વધારો કર્યા પછી, આ પદ્ધતિ પર આધારિત નવા વ્યાજ દરો નીચે મુજબ છે.
ઓવરનાઈટ – 9.10 ટકા.
1 મહિનો- 9.15 ટકા.
3 મહિના – 9.25 ટકા.
6 મહિના – 9.40 ટકા.
1 વર્ષ- 9.45 ટકા.
2 વર્ષ – 9.45 ટકા.
3 વર્ષ- 9.45 ટકા.
રેપો રેટમાં કોઈ ફેરફારની અપેક્ષા નથી
સામાન્ય રીતે બેંકો આરબીઆઈના રેપો રેટના પ્રમાણમાં વ્યાજ દરોમાં ફેરફાર કરે છે. રેપો રેટ આરબીઆઈની એમપીસી (મોનેટરી પોલિસી કમિટી) દ્વારા નક્કી કરવામાં આવે છે, જેની બેઠક આરબીઆઈ ગવર્નરની અધ્યક્ષતામાં હોય છે. હાલમાં MPCની બેઠક ચાલી રહી છે. લેવામાં આવેલા નિર્ણયોની જાહેરાત 8 ઓગસ્ટે MPCની બેઠકમાં કરવામાં આવશે. રેપો રેટમાં કોઈ ફેરફાર નહીં થાય તેવું અનુમાન લગાવવામાં આવી રહ્યું છે. હાલમાં રેપો રેટ 6.50 ટકા છે.
