પીએમ મોદીના નેતૃત્વમાં એનડીએ સરકાર દેશમાં ઘણી યોજનાઓ ચલાવી રહી છે. કેટલીક યોજના હેઠળ, કરોડો ખેડૂતોને દર વર્ષે 6000 રૂપિયા રોકડ આપવામાં આવે છે, જ્યારે કોઈ યોજના હેઠળ, 80 કરોડ લોકોને મફત રાશનનું વિતરણ કરવામાં આવે છે. હવે એક નવી યોજનાની જોરશોરથી ચર્ચા થઈ રહી છે, જેનું નામ છે ‘ફ્રી વોશિંગ મશીન સ્કીમ’. સોશિયલ મીડિયા પર વાતાવરણ ગરમાયું ત્યારે સરકારે ઔપચારિક નિવેદન આપવું પડ્યું.
આ સંદેશ સોશિયલ મીડિયા પ્લેટફોર્મ ટ્વિટર (એક્સ), યુટ્યુબ સહિત વિવિધ માધ્યમો દ્વારા વાયરલ કરવામાં આવી રહ્યો છે. એવું કહેવામાં આવી રહ્યું છે કે મોદી સરકાર ટૂંક સમયમાં દેશની મહિલાઓને મફત વોશિંગ મશીનનું વિતરણ શરૂ કરવા જઈ રહી છે. સોશિયલ મીડિયા પર એવો પણ દાવો કરવામાં આવી રહ્યો છે કે આ યોજનાનો લાભ એક-બે રાજ્યોની મહિલાઓને નહીં પરંતુ સમગ્ર દેશની મહિલાઓને મળશે.
શું છે સમગ્ર મામલો
સરકારી પોર્ટલ પ્રેસ ઇન્ફોર્મેશન બ્યુરો (PIB) ફેક્ટચેકે સોશિયલ મીડિયા પર વાયરલ થયેલી આ પોસ્ટ અંગે સ્પષ્ટતા જારી કરી છે. પીઆઈબીએ તેની પોસ્ટમાં કહ્યું કે યુટ્યુબ ચેનલ જ્ઞાન મંદિર ઓફિશિયલે એક વીડિયો જાહેર કર્યો છે જેમાં દાવો કરવામાં આવ્યો છે કે કેન્દ્ર સરકાર ટૂંક સમયમાં મહિલાઓને વોશિંગ મશીનનું વિતરણ કરવા જઈ રહી છે. ‘ફ્રી વોશિંગ મશીન સ્કીમ’ હેઠળ સરકાર દેશભરની મહિલાઓને તેનો લાભ આપશે.
ચેનલના હજારો સબ્સ્ક્રાઇબર્સ
તમને જણાવી દઈએ કે gyanmandirofficials યૂટ્યૂબ ચેનલના લગભગ 11 હજાર સબસ્ક્રાઈબર્સ છે. આ ચેનલ પર 8.15 મિનિટનો વીડિયો મૂકીને કહેવામાં આવી રહ્યું છે કે મોદી સરકાર હવે મહિલાઓને વોશિંગ મશીનની સુવિધા આપવા જઈ રહી છે. આનો લાભ લેવા માટે, યોગ્ય નોંધણી અને દાવો કરવાની પ્રક્રિયા પણ વિડિઓમાં સમજાવવામાં આવી રહી છે.
શું છે સરકારનું નિવેદન?
PIB FactCheckએ આ વીડિયોનો સ્ક્રીનશોટ તેના ઓફિશિયલ ટ્વિટર હેન્ડલ પર શેર કર્યો અને લખ્યું, ‘યુટ્યુબ ચેનલ દ્વારા ફેલાવવામાં આવી રહેલા આ જૂઠાણાથી સાવધ રહો. મોદી સરકાર આવી કોઈ યોજના નથી લાવી રહી અને ન તો આવી કોઈ જાહેરાત કરવામાં આવી છે. તમે બધા આવા ખોટા દાવાઓથી ગેરમાર્ગે ન પડો અને સોશિયલ મીડિયા પર આવા સમાચાર વાયરલ ન કરો.
