આગામી ચોમાસાને લઈને આગાહીઓ બહાર આવી રહી છે. હવામાન વિભાગ સહિત હવામાન નિષ્ણાતોએ આગામી ચોમાસાની ઋતુને લઈને આગાહીઓ કરી છે. જે મુજબ આ વર્ષે ચોમાસું એકંદરે સારું રહેવાનું છે. આવી સ્થિતિમાં, હવામાન નિષ્ણાત પરેશ ગોસ્વામીએ ઓગસ્ટ મહિનામાં વરસાદને લઈને આગાહી કરી છે. ઓગસ્ટ મહિનામાં ગુજરાતમાં વરસાદની સ્થિતિ કેવી રહેશે તે અંગે તેમની આગાહી બહાર આવી છે. આ સાથે, તેમણે વરસાદ કયા સમયગાળા દરમિયાન લંબાઈ શકે છે તે અંગે પણ પોતાની શક્યતા વ્યક્ત કરી છે.
હવામાન નિષ્ણાત પરેશ ગોસ્વામીના મતે, 31 જુલાઈ સુધી ચોમાસું એકંદરે ખૂબ સારું રહેવાનું છે. ઓગસ્ટના પહેલા અઠવાડિયામાં મધ્યમથી સારો વરસાદ પડી શકે છે. તે સાર્વત્રિક ન પણ હોય પરંતુ છૂટાછવાયા હોઈ શકે છે.
ઓગસ્ટના મધ્યમાં ગાળો હોઈ શકે છે. 8 થી 15-17 ઓગસ્ટ સુધી ગાળો હોઈ શકે છે. એટલે કે, 15 થી 20 દિવસનો ગાળો હોઈ શકે છે. જોકે, ઓગસ્ટના છેલ્લા દિવસોમાં સારો વરસાદ જોવા મળી શકે છે.
જો આપણે જોઈએ તો ઓગસ્ટ મહિનાનો ગાળો ખૂબ જ મહત્વપૂર્ણ છે. ગુજરાતમાં મગફળીની ખેતી મોટા પ્રમાણમાં થાય છે. જો તેનું વાવેતર સમયસર કરવામાં આવે અને ઓગસ્ટ મહિનામાં તેના ફૂલ આવતા હોય ત્યારે ગાળો આવે, તો મગફળીના ઉત્પાદનમાં મોટો ફાયદો થાય છે.
