કૃષિ યોજનાઓને સામાન્ય ખેડૂતો માટે સરળતાથી સુલભ બનાવવા માટે, આધાર જેવા ઓળખ કાર્ડ જારી કરવામાં આવશે. આ માટે સરકાર દેશભરના ખેડૂતોની નોંધણી કરશે. કૃષિ અને ખેડૂત કલ્યાણ મંત્રાલયની આ યોજના રૂ. 2,817 કરોડના ડિજિટલ કૃષિ મિશનનો એક ભાગ છે.
પાંચ કરોડ ખેડૂતોની નોંધણી
આ માહિતી કૃષિ સચિવ દેવેશ ચતુર્વેદીએ સોમવારે આઉટલુક-એગ્રીટેક સમિટ અને સ્વરાજ એવોર્ડ્સ દરમિયાન આપી હતી. ઇન્ડિયન કાઉન્સિલ ઓફ એગ્રીકલ્ચરલ રિસર્ચ (ICAR)ના સહયોગથી આ કાર્યક્રમનું આયોજન કરવામાં આવ્યું હતું, આ યોજના હેઠળ આવતા વર્ષે માર્ચ સુધીમાં પાંચ કરોડ ખેડૂતોની નોંધણી કરવાનો લક્ષ્યાંક રાખવામાં આવ્યો છે.
