અમેરિકન શોર્ટ સેલિંગ ફર્મ હિંડનબર્ગના નવા આરોપો ફરી એકવાર અદાણી ગ્રુપના શેર પર ભારે પડ્યા છે. અદાણી એન્ટરપ્રાઈઝ, અદાણી પાવર, અદાણી ગ્રીન એનર્જી અને અદાણી પોર્ટ્સના શેરમાં શરૂઆતના વેપારમાં 7 ટકા સુધીનો ઘટાડો જોવા મળ્યો છે. જો કે, હિંડનબર્ગે પોતાના નવા રિપોર્ટમાં સેબીના ચેરપર્સન માધાબી પુરી બુચ સામે આક્ષેપો કર્યા છે. પરંતુ, તેની મોટી અસર અદાણી ગ્રુપની કંપનીના શેર પર જોવા મળી રહી છે.
હકીકતમાં હિંડનબર્ગે માધાબી પુરી બુચ અને તેના પતિ ધવલ બુચનો અદાણી ગ્રૂપના વિદેશી ભંડોળમાં હિસ્સો હોવાનો આક્ષેપ કર્યો છે. ગૌતમ અદાણીના મોટા ભાઈ વિનોદ અદાણીની જેમ જ દંપતીએ પણ જટિલ માળખાનો ઉપયોગ કરીને ફંડમાં નાણાંનું રોકાણ કર્યું હતું. જોકે, માધબી પુરી બુચ અને તેના પતિ ધવલ બુચે આ આરોપોને પાયાવિહોણા ગણાવ્યા છે.
આ શેર્સમાં ઘટાડો જોવા મળ્યો હતો
અદાણી એન્ટરપ્રાઈઝનું શેરબજાર ખુલતાની સાથે જ શરૂઆતના કામકાજમાં તે 3 ટકાથી વધુ તૂટ્યો હતો. અદાણી ગ્રીનના શેર પણ 3 ટકાના ઘટાડા સાથે ટ્રેડ થઈ રહ્યા છે. અદાણી પોર્ટ્સના શેરમાં પણ 2 ટકાથી વધુનો ઘટાડો નોંધાયો હતો. અદાણી પાવરના શેરમાં સૌથી વધુ 7 ટકાનો ઘટાડો થયો છે.
સેબીના વડાએ આરોપોને નકારી કાઢ્યા હતા
હિંડનબર્ગના આરોપો અંગે સેબીના વડા અને તેમના પતિએ કહ્યું, “અમે 10 ઓગસ્ટ, 2024ના હિંડનબર્ગના અહેવાલમાં અમારી સામે કરવામાં આવેલા પાયાવિહોણા આરોપોને નકારીએ છીએ. આમાં કોઈ સત્ય નથી. સેબી અને તેના પતિએ આ આરોપોને ચારિત્ર્ય હત્યાના પ્રયાસ તરીકે ગણાવ્યા છે.
