મુકેશ અંબાણી અને નીતા અંબાણી તેમના નાના પુત્ર અનંત અંબાણીના લગ્નની ઉજવણીમાં વ્યસ્ત છે. દરમિયાન, તેની ભાવિ નાની વહુ રાધિકા મર્ચન્ટ તેના હાથ પર અનંતના નામની મહેંદી લગાવવા જઈ રહી છે. આ સેલિબ્રેશનમાં બોલિવૂડના અનેક સ્ટાર્સે હાજરી આપી હતી. તો 12મી જુલાઈના રોજ યોજાનાર આ લગ્નમાં દેશ-વિદેશની જાણીતી હસ્તીઓનો ધસારો થવાનો છે. આ દરમિયાન, પ્રખ્યાત નિર્દેશક અનુરાગ કશ્યપની પુત્રીએ અનંત અને રાધિકાના લગ્ન વિશે આવી વાત કહી, જે જાણ્યા પછી ફિલ્મ સ્ટાર્સને ચોક્કસ પરસેવો વળી જાશે.
અનુરાગ કશ્યપની પુત્રી યુટ્યુબર છે. દરરોજ તે તેના બોયફ્રેન્ડ અને ક્યારેક પોતાના વીડિયો શેર કરતી રહે છે. આ દરમિયાન આલિયા કશ્યપે અનંત-રાધિકાના લગ્નને સર્કસ ગણાવ્યું હતું. આ સાથે તેણે એમ પણ કહ્યું કે તેને આવવાનું આમંત્રણ પણ મળ્યું હતું પરંતુ તેણે તેને ફગાવી દીધું હતું.
આલિયા કશ્યપની ચેટના સ્ક્રીનશોટ પણ સોશિયલ મીડિયા પર વાયરલ થઈ રહ્યા છે. આલિયાએ પોતાની બ્રોડકાસ્ટ ચેનલ પર અંબાણી પરિવારના આ લગ્ન અંગે પોતાનો અભિપ્રાય વ્યક્ત કર્યો હતો. આલિયાએ કહ્યું- ‘અંબાણી પરિવારના લગ્ન હકીકતમાં લગ્ન નથી. આ એક સર્કસ બની ગયું છે. હું બધું ધ્યાનથી જોઈ રહી છું. આગળ કહ્યું- મને કેટલાક કાર્યક્રમો માટે આમંત્રણ આપવામાં આવ્યું હતું કારણ કે દેખીતી રીતે તેઓ PR કરી રહ્યા હતા. પણ મેં ના પાડી દીધી હતી. કારણ કે હું એવું માનવા માંગતી હતી કે કોઈના લગ્ન માટે મારી જાતને વેચવા કરતાં મારી પાસે વધુ આત્મસન્માન છે. જ્યારે લોકો પાસે વધુ પૈસા હોય છે, ત્યારે તેઓ જાણતા નથી કે શું કરવું.
આલિયાનો આ સ્ક્રીનશોટ વાયરલ થઈ રહ્યો છે જેમાં તેણે આ બધી વાતો કહી છે. તમને જણાવી દઈએ કે, અનુરાગ કશ્યપની પુત્રી આલિયાની સગાઈ થઈ ગઈ છે. તેના મંગેતર શેન ગ્રેગોઇર એક અમેરિકન બિઝનેસમેન છે. જે રોકેટ પાવર સાઉન્ડ નામની સોફ્ટવેર કંપનીના સ્થાપક છે. શેન આલિયાને ડેટિંગ એપ પર મળ્યો હતો. જે બાદ તેમની મુલાકાત પ્રેમમાં બદલાઈ ગઈ અને ત્યારથી તેઓ એકબીજાના સંબંધમાં છે.
