હવામાન વિભાગે જણાવ્યું છે કે હાલમાં એક સાથે ત્રણ વરસાદી સિસ્ટમ સક્રિય થઈ છે, જેના કારણે રાજ્યમાં વરસાદી માહોલ રહેશે.
આ વર્ષે અત્યાર સુધીમાં રાજ્યમાં સિઝનનો 82 ટકા વરસાદ થયો છે. હવામાન વિભાગે આગામી થોડા દિવસો માટે વિસ્તૃત આગાહી જારી કરી છે.
વડોદરા, ભરૂચ, સુરત, નવસારી, વલસાડ, દમણ, દાદરા નગર હવેલી, તાપી, અમરેલી અને ભાવનગરમાં 26 ઓગસ્ટે ભારે વરસાદની આગાહી સાથે રેડ એલર્ટ જારી કરવામાં આવ્યું છે.
બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, છોટાઉદેપુર, નર્મદા, ડાંગ, સુરેન્દ્રનગર, રાજકોટ, જામનગર, પોરબંદર, જૂનાગઢ, મોરબી, દ્વારકા, ગીર સોમનાથ, બોટાદ, કચ્છ અને દીવમાં ભારેથી અતિભારે વરસાદની આગાહી સાથે ઓરેન્જ એલર્ટ જાહેર કરવામાં આવ્યું છે.
27 ઓગસ્ટે આણંદ, રાજકોટ, જામનગર, પોરબંદર, મોરબી, દ્વારકા અને કચ્છમાં ભારે વરસાદની આગાહી સાથે એલર્ટ જારી કરવામાં આવ્યું છે.ભારેથી અતિ ભારે વરસાદની આગાહી સાથે મોટાભાગના અન્ય જિલ્લાઓમાં ઓરેન્જ એલર્ટ જાહેર કરવામાં આવ્યું છે.
અમદાવાદમાં આગામી 5 દિવસ ભારે વરસાદની આગાહી કરવામાં આવી છે. ગાંધીનગરમાં આગામી 3 દિવસ ભારે વરસાદની આગાહી કરવામાં આવી છે.
