ગુજરાતના ઘણા જિલ્લાઓના હવામાનમાં પલટો આવ્યો છે. ગઈકાલે મોડી સાંજે અમદાવાદ અને ગાંધીનગરમાં હવામાનમાં અચાનક પલટો આવ્યો હતો. તેજ પવન સાથે મીની ચક્રવાતની અસર જોવા મળી છે. IMD એ 30 મે સુધી રાજ્યમાં ભારે વરસાદની આગાહી કરી છે.
ગુજરાતમાં હવામાન સતત બદલાઈ રહ્યું છે. આ દિવસોમાં રાજ્ય ભારે વરસાદ અને તોફાનના સમયગાળામાંથી પસાર થઈ રહ્યું છે. હવામાન વિભાગના જણાવ્યા અનુસાર, અરબી સમુદ્રમાં સક્રિય લો પ્રેશર સિસ્ટમને કારણે, 30 મે સુધી ગુજરાતમાં 40 થી 50 કિમી પ્રતિ કલાકની ઝડપે પવન ફૂંકાતા વરસાદની શક્યતા છે. બીજી તરફ, આજે મોડી સાંજથી ઉત્તર ગુજરાતના જિલ્લાઓમાં વરસાદી વાતાવરણ રહેશે. આવી સ્થિતિમાં, હવામાન વિભાગે આગામી 3 કલાક માટે મોટી આગાહી કરી છે.
હવામાન વિભાગની હાલની આગાહી મુજબ, આગામી 24 કલાક દરમિયાન રાજ્યના બનાસકાંઠા, મહેસાણા, સાબરકાંઠા, અરવલ્લી, ગાંધીનગર, અમદાવાદ, સુરેન્દ્રનગર, મહિસાગર, ખેડા, દાહોદ, પંચમહાલ, નવસારી, ડાંગ, વલસાડ જિલ્લામાં ભારે પવન ફૂંકાઈ શકે છે. આ સાથે કેટલાક ભાગોમાં ગાજવીજ સાથે મધ્યમ વરસાદની શક્યતા છે. આ ઉપરાંત, ગુજરાતના પાટણ, આણંદ, વડોદરા, છોટા ઉદેપુર, ભરૂચ, નર્મદા, સુરત અને તાપી જિલ્લામાં 40 કિમી પ્રતિ કલાકની ઝડપે પવન સાથે હળવો વરસાદ પડી શકે છે.
દેશમાં મેઘરાજાની સવારી આગળ વધી રહી છે. કેરળ પછી, મહારાષ્ટ્રમાં ચોમાસું 12 દિવસ વહેલું બેઠું છે. હવે ચોમાસું 2-3 દિવસમાં મુંબઈમાં પહોંચશે. 7 થી 11 જૂન વચ્ચે આવનાર ચોમાસું મુંબઈમાં પણ વહેલું બેઠું થશે. કેરળમાં ચોમાસું સત્તાવાર રીતે બે દિવસ પહેલા શરૂ થયું હતું. કેરળમાં દક્ષિણપશ્ચિમ ચોમાસું 8 દિવસ વહેલું બેઠું છે. ત્યારે મુંબઈમાં ચોમાસાની શરૂઆત થયા પછી વાદળો ગુજરાત તરફ આવશે.
અંબાલાલ પટેલે આજે રાજ્યમાં ગાજવીજ સાથે ભારે વરસાદની આગાહી કરી છે. 28 મે થી જૂનની શરૂઆત સુધી ગુજરાતના કેટલાક ભાગોમાં વરસાદની શક્યતા છે. વાવાઝોડા અને ગાજવીજ સાથે વરસાદ પડી શકે છે. અરબી સમુદ્ર તોફાની બનશે અને કરંટ જોવા મળશે.
ગુજરાતના વાતાવરણમાં મોટો ફેરફાર આવી રહ્યો છે. ઉનાળાના મધ્યમાં વરસાદ પડી રહ્યો છે. ત્યારે ગુજરાતના વાતાવરણમાં આ મોટી ઉથલપાથલ અંગે નવી આગાહી કરવામાં આવી છે. હવામાન નિષ્ણાત અંબાલાલ પટેલની આગાહી કહે છે કે આજે ગુજરાતના ઘણા ભાગોમાં વાવાઝોડા સાથે વરસાદ પડી શકે છે. 28 મે થી જૂનની શરૂઆત સુધી ગુજરાતના કેટલાક ભાગોમાં વરસાદની શક્યતા છે. વાવાઝોડા અને વીજળી સાથે વરસાદ પડશે. આ દિવસોમાં પવનની ગતિને કારણે પશુપાલકોએ સાવચેત રહેવું પડશે.
