ગુજરાતના પોરબંદરમાં ભારતીય કોસ્ટ ગાર્ડનું હેલિકોપ્ટર ક્રેશ થયું છે. ગુજરાતના પોરબંદરમાં નિયમિત તાલીમ દરમિયાન હેલિકોપ્ટર ક્રેશ થયું હતું. આ અકસ્માતમાં ત્રણ લોકોના મોતના અહેવાલ છે. કહેવામાં આવી રહ્યું છે કે પહેલા હેલિકોપ્ટર ક્રેશ થયું અને પછી જોરદાર વિસ્ફોટ થયો.
સમાચાર એજન્સી ANI અનુસાર, ભારતીય કોસ્ટ ગાર્ડનું એડવાન્સ્ડ લાઇટ હેલિકોપ્ટર (ALH) ધ્રુવ રવિવારે ગુજરાતના પોરબંદરમાં નિયમિત તાલીમ ઉડાન દરમિયાન ક્રેશ થયું હતું. આ ઘટના પોરબંદરમાં કોસ્ટગાર્ડ એરફોર્સના એર એન્ક્લેવમાં બની હતી. તમને જણાવી દઈએ કે 4 મહિના પહેલા 2જી સપ્ટેમ્બરે પણ એક હેલિકોપ્ટર ક્રેશ થયું હતું.
અહેવાલો અનુસાર હેલિકોપ્ટરમાં ટેક્નિકલ ખામી સર્જાયા બાદ આ દુર્ઘટના સર્જાઈ હતી. વિમાનમાં બે પાઈલટ અને અન્ય ત્રણ લોકો સવાર હતા. પ્રાથમિક માહિતી મુજબ આ અકસ્માતમાં ત્રણ લોકોના મોત થયા છે.
સપ્ટેમ્બરમાં પણ પોરબંદર નજીક અરબી સમુદ્રમાં ધ્રુવ એડવાન્સ લાઇટ હેલિકોપ્ટર (ALH Mk-III) ક્રેશ થયું હતું. આ ઘટના બાદ કોસ્ટ ગાર્ડે ફ્લાઇટ કંટ્રોલ અને ટ્રાન્સમિશન સિસ્ટમ્સ પર ધ્યાન કેન્દ્રિત કરીને તેના ALH ફ્લીટની સલામતી તપાસનો આદેશ આપ્યો. એટલું જ નહીં, આ કાફલો અસ્થાયી ધોરણે બંધ કરી દેવામાં આવ્યો હતો.
તમને જણાવી દઈએ કે કોસ્ટ ગાર્ડ (ભારતીય નૌકાદળ) 16 ALH હેલિકોપ્ટરનો ઉપયોગ કરે છે, જેને બેંગલુરુ સ્થિત હિન્દુસ્તાન એરોનોટિક્સ લિમિટેડ (HAL) દ્વારા ડિઝાઇન અને નિર્માણ કરવામાં આવ્યું છે. આ હેલિકોપ્ટર રાત્રે 11.15 કલાકે દરિયામાં ક્રેશ થયું હતું.
