રેવ પાર્ટીઓમાં સાપનું ઝેર સપ્લાય કરવાના મામલામાં ફેમસ યુટ્યુબર એલ્વિશ યાદવનું નામ સામે આવ્યું છે. જે અંગે દિલ્હીનું એન્ટી નાર્કોટિક્સ યુનિટ સક્રિય બન્યું છે, પોલીસનું કહેવું છે કે ડ્રગ્સનો કારોબાર સંગઠિત ડ્રગ કાર્ટેલ હોવાનું જાણવા મળ્યું નથી, કારણ કે તેનો ગ્રાહક આધાર મર્યાદિત છે અને તેની કિંમત ઘણી વધારે છે.
રેવ પાર્ટીઓમાં સાપના ઝેરનો ઉપયોગ કેમ થાય છે?
જ્યારે કોઈ પણ વ્યક્તિ નશો કરવાનું શરૂ કરે છે, ત્યારે તે પહેલા સિગારેટ અને બિયર જેવા હળવા વ્યસનોને પ્રાધાન્ય આપે છે, પછી તે થોડો સ્ટ્રોંગ દારૂ પીવે છે, પછી તે હશીશ, ગાંજા અને કોકેઈનનો નશો કરવા લાગે છે. એક સમય એવો આવે છે જ્યારે તેને આ દવાઓમાં પણ મજા આવતી નથી અને પછી તે વધુ નશો મેળવવા માટે સાપનું ઝેર લેવા લાગે છે.
સાપના ઝેરનો ઉપયોગ કેવી રીતે થાય છે?
સાપના ઝેરને ‘K72’ અથવા ‘K76’ કહેવામાં આવે છે, જે કેટલાક રસાયણોમાં ભેળવવામાંઆવે છે. તે પાવડર અથવા પ્રવાહી સ્વરૂપમાં લેવામાં આવે છે. કેટલાક લોકો આ ઝેર સીધું જીભ પર લઈ લે છે. આનાથી જબરદસ્ત નશો થાય છે. આ માટે રેવ પાર્ટીઓમાં સ્નેક ચાર્મર્સને ખાસ બોલાવવામાં આવે છે. એક વરિષ્ઠ પોલીસ અધિકારીએ જણાવ્યું હતું કે ‘K ડ્રગ’ લગભગ એક દાયકાથી બજારમાં છે અને તેની માંગ સતત વધે છે, ખાસ કરીને વેલેન્ટાઈન ડેની આસપાસ તો ખુબ જ માંગ વધે છે. જો કે આલ્કોહોલ સાથે મિશ્રિત પાવડર તરીકે ધીમે ધીમે સાપનું ઝેર લેવાનું શરૂ થયું. જો કે હવે લોકો સીધા સાપનું ઝેર પણ લેવા લાગ્યા છે.
સાપના ઝેરની કિંમત કેટલી છે?
પોલીસ અધિકારીએ વધુમાં જણાવ્યું હતું કે કૃત્રિમ દવાઓ અને રસાયણોથી વિપરીત, વિદ્યાર્થીઓ સાપના ઝેરના પ્રાથમિક ગ્રાહક નથી. આ માટે કાર્યકારી વ્યવસાયિકો અને ઉદ્યોગપતિઓનો સંપર્ક કરવામાં આવે છે, તેઓ દવાઓના આ નશામાં વધુ ડૂબી જાય છે. સાપના ઝેરની કોઈ નિશ્ચિત કિંમત નથી. સામાન્ય સાપના ઝેર માટે તમારે સામાન્ય રીતે 15,000 રૂપિયા ચૂકવવા પડી શકે છે, જ્યારે તમે કોબ્રા અને ક્રેટ સાપના ઝેરથી નશો કરવા માંગતા હો, તો તમારે એક હિટ માટે 35,000 થી 50,000 રૂપિયા ચૂકવવા પડશે.
