હોળીના તહેવારને આડે 10 દિવસ બાકી છે અને આ અવસર પર સરકાર દ્વારા તમને મફત ગેસ સિલિન્ડર આપવામાં આવશે. હોળીના અવસર પર, ઉત્તર પ્રદેશની યોગી સરકાર રાજ્યના લગભગ 1.75 કરોડ પાત્ર પરિવારોને મફત એલપીજી સિલિન્ડર પ્રદાન કરવા જઈ રહી છે. પ્રધાનમંત્રી ઉજ્જવલા યોજના હેઠળ ગેસ સિલિન્ડર આપવામાં આવશે. યોગી સરકારની યોજના હેઠળ, તહેવારોના અવસર પર વર્ષમાં બે વાર ઉજ્જવલા યોજનાના લાભાર્થીઓને મફત એલપીજી સિલિન્ડર આપવાની યોજના છે. અગાઉ સરકારે નવેમ્બર મહિનામાં દિવાળીના અવસર પર મફત એલપીજી સિલિન્ડર આપ્યા હતા. જો તમે પણ યુપીના રહેવાસી છો, તો તમે સરકારની મફત ગેસ સિલિન્ડર યોજનાનો લાભ લઈ શકો છો.
લાભ કેવી રીતે મેળવવો
યોજનાનો લાભ મેળવવા માટે, પ્રધાનમંત્રી ઉજ્જવલા યોજનાના લાભાર્થીઓએ તેમના બેંક ખાતાને આધાર સાથે લિંક કરવું પડશે. ઉજ્જવલા યોજના વર્ષ 2016માં વડાપ્રધાન મોદીએ શરૂ કરી હતી. યુપી સરકારે પ્રધાનમંત્રી ઉજ્જવલા યોજના હેઠળ વર્ષ 2023-24 માટે 2,312 કરોડ રૂપિયાનું બજેટ ફાળવ્યું છે. આ યોજના હેઠળ રાજ્યની 1.75 કરોડ ગરીબ મહિલાઓને દર વર્ષે બે ફ્રી ગેસ સિલિન્ડર રિફિલ આપવામાં આવે છે.
1.31 કરોડથી વધુ ગેસ સિલિન્ડરનું વિતરણ કરવામાં આવ્યું છે
પ્રથમ તબક્કા દરમિયાન, 1 નવેમ્બરથી 15 ફેબ્રુઆરીની વચ્ચે, 80.30 લાખ ઉજ્જવલા યોજના લાભાર્થી મહિલાઓએ ગેસ સિલિન્ડર રિફિલ કર્યા. 1 જાન્યુઆરીથી અત્યાર સુધી બીજો તબક્કો ચાલી રહ્યો છે, જેમાં 50.87 લાખ મહિલાઓને ગેસ સિલિન્ડર રિફિલ કરાવવામાં આવ્યા છે. યુપી સરકારના પ્રવક્તાએ એમ પણ કહ્યું કે યોજના હેઠળ 1.31 કરોડથી વધુ એલપીજી સિલિન્ડર રિફિલનું વિતરણ કરવામાં આવ્યું છે. 10 નવેમ્બર, 2023 ના રોજ યોજના શરૂ કરતી વખતે, મુખ્યમંત્રી યોગી આદિત્યનાથે લાખો ઉજ્જવલા લાભાર્થીઓના ખાતામાં સબસિડીની રકમ જમા કરાવી હતી.
સિલિન્ડરના ભાવમાં 100 રૂપિયાનો ઘટાડો
બીજી તરફ લોકસભા ચૂંટણીની જાહેરાત પહેલા વડાપ્રધાન મોદીએ 8 માર્ચે એલપીજીના ભાવમાં 100 રૂપિયાનો ઘટાડો કરવાની જાહેરાત કરી હતી. આ પછી સરકારી તેલ કંપનીઓએ શુક્રવારે રાત્રે 12 વાગ્યાથી પેટ્રોલ અને ડીઝલના ભાવમાં ઘટાડો કર્યો હતો. દિલ્હીમાં 14.2 કિલોના ઘરેલુ એલપીજી સિલિન્ડરની કિંમત હવે ઘટીને 803 રૂપિયા થઈ ગઈ છે. આ સિલિન્ડર મુંબઈમાં 802.50 રૂપિયા, ચેન્નાઈમાં 818.50 રૂપિયા અને કોલકાતામાં 829 રૂપિયામાં ઉપલબ્ધ છે.
