લોકસભા ચૂંટણીના 7મા અને અંતિમ તબક્કાનું મતદાન 1 જૂને પૂર્ણ થઈ ગયું છે. આ સાથે એક્ઝિટ પોલ પણ લોકો સમક્ષ આવી ગયા છે. તમામ એક્ઝિટ પોલમાં નરેન્દ્ર મોદી જંગી બહુમતી સાથે ત્રીજી વખત વડાપ્રધાન બનતા જોવા મળી રહ્યા છે. કેટલાક એક્ઝિટ પોલમાં એનડીએના આંકડા 400ને પાર કરતા જોવા મળી રહ્યા છે. હવે દેશની જનતા 4 જૂનની આતુરતાથી રાહ જોઈ રહી છે, જે દિવસે ચૂંટણી પરિણામ જાહેર થશે.
જો NDA 400ને પાર કરે છે તો તે એક રેકોર્ડ હશે. અગાઉ વર્ષ 1984માં વડાપ્રધાન ઈન્દિરા ગાંધીની હત્યા બાદ યોજાયેલી ચૂંટણીમાં કોંગ્રેસને 414 બેઠકો મળી હતી. આજે અમે તમને 1984 દરમિયાન દેશની અર્થવ્યવસ્થા અને શેર બજારની સ્થિતિ વિશે માહિતી આપવા જઈ રહ્યા છીએ.
જીડીપીની ગતિ અડધી હતી
બિઝનેસ સ્ટાન્ડર્ડના રિપોર્ટ અનુસાર જ્યારે રાજીવ ગાંધી 1984માં પીએમ બન્યા ત્યારે 1970થી 1980 દરમિયાન ભારતીય અર્થવ્યવસ્થા 3.48 ટકાની ખૂબ જ ધીમી ગતિએ વધી રહી હતી. કેટલાક અર્થશાસ્ત્રીઓ તેને ‘હિંદુ વિકાસ દર’ પણ કહેતા હતા. વર્ષ 1983માં તે વધીને 7.29 ટકા થયો હતો. પરંતુ 1984માં મોટો ઘટાડો થયો અને અર્થવ્યવસ્થાની ગતિ માત્ર 3.82 ટકા રહી.
જીડીપી 1984ની સરખામણીમાં વિશાળ બની હતી
તાજેતરના ડેટા અનુસાર નાણાકીય વર્ષ 2024માં ભારતનો જીડીપી ગ્રોથ 8.2 ટકા રહ્યો છે. વર્ષ 1984માં ભારતની જીડીપી માત્ર 212.16 બિલિયન ડૉલર હતી, જે હવે વધીને 3.9 ટ્રિલિયન ડૉલરની વિશાળ કિંમતે પહોંચી ગઈ છે. વર્ષ 1984માં ભારતની વિદેશી હૂંડિયામણની અનામત માત્ર 5.6 બિલિયન ડૉલર હતી, જે હવે 648.7 બિલિયન ડૉલર થઈ ગઈ છે. 1984ની ચૂંટણી પહેલા BSE સેન્સેક્સ 300 પોઈન્ટથી ઓછો હતો જે હવે 73,961.31 પોઈન્ટ પર પહોંચી ગયો છે.
ડોલર સામે રૂપિયો ઘણો મજબૂત હતો
વર્ષ 1984માં ડોલર સામે રૂપિયાનું મૂલ્ય ઘણું મજબૂત હતું. એક ડોલર સામે માત્ર રૂ. 12.32 ઉપલબ્ધ હતા. જો કે હવે ડોલર સામે રૂપિયાની કિંમત 83.43 પર પહોંચી ગઈ છે.
400નું સપનું જોનાર ભાજપ 2 બેઠકો સુધી સીમિત રહી ગયું હતું
ભાજપે આ વખતે 400 પાર કરોના નારા સાથે આ ચૂંટણી લડી છે. જો આમ થશે તો રાજીવ ગાંધી પછી નરેન્દ્ર મોદી આટલી બહુમતી સાથે પીએમ બનનાર પ્રથમ વ્યક્તિ હશે. વર્ષ 1984માં કોંગ્રેસ પછી સૌથી મોટી પાર્ટી 30 બેઠકો સાથે તેલુગુ દેશમ પાર્ટી હતી. આ પછી કોમ્યુનિસ્ટ પાર્ટીને 22, જનતા પાર્ટીને 10, ચરણ સિંહના લોકદળને 3 અને આજે સત્તામાં રહેલી ભારતીય જનતા પાર્ટીને માત્ર 2 બેઠકો મળી.
