મોડી રાતથી ગુજરાતમાં હવામાન અચાનક બદલાયું છે. ગાજવીજ અને ભારે પવન સાથે વરસાદ પડ્યો છે. ઉત્તર ગુજરાતના ઘણા જિલ્લાઓમાં ગાજવીજ અને ભારે પવન સાથે વરસાદ પડ્યો છે. મહેસાણા, બનાસકાંઠા, સાબરકાંઠા અને પાટણમાં વરસાદથી ખેડૂતોને નુકસાનનો ડર છે. લોકોને ગરમીથી રાહત મળી છે.
આજે ક્યાં ક્યાં વરસાદ પડશે
હવામાન વિભાગે વરસાદ અંગે મોટી આગાહી કરી છે. હવામાન વિભાગના તાજેતરના અપડેટ મુજબ, સવારે 10 વાગ્યા સુધીમાં ભારે વરસાદની શક્યતા છે. તેજ પવન અને વીજળી સાથે વરસાદની આગાહી છે. બનાસકાંઠા, સાબરકાંઠા, પાટણમાં વરસાદ પડી શકે છે. ત્યારબાદ અરવલ્લી, મહેસાણા, અમદાવાદ, ગાંધીનગરમાં પણ વરસાદ પડશે. ખેડા, આણંદ, દાહોદ, પંચમહાલ અને અરવલ્લીમાં વરસાદનું ઓરેન્જ એલર્ટ છે. આજથી ગુજરાતમાં 41 થી 61 કિલોમીટર પ્રતિ કલાકની ઝડપે પવન ફૂંકાશે. સૌરાષ્ટ્ર-કચ્છમાં હળવા વરસાદની આગાહી છે.
સમગ્ર ગુજરાતમાં ઓરેન્જ અને યલો એલર્ટ
આજે રાજ્યભરમાં વરસાદ માટે ઓરેન્જ અને યલો એલર્ટ જારી કરવામાં આવ્યું છે. હવામાન વિભાગે નોકાસ્ટ બુલેટિન જારી કર્યું છે. રાજ્યમાં સવારે 7 થી 10 વાગ્યા સુધી ભારેથી હળવો વરસાદ થવાની આગાહી છે. તેજ પવન અને વીજળી સાથે વરસાદની આગાહી છે. આજે બનાસકાંઠા, સાબરકાંઠા, પાટણ, અરવલ્લી, મહેસાણા, અમદાવાદ, ગાંધીનગર, ખેડા, આણંદ, દાહોદ, પંચમહાલ અને અરવલ્લીમાં વરસાદ માટે ઓરેન્જ એલર્ટ જારી કરવામાં આવ્યું છે. જેમાં 41 થી 61 કિમી પ્રતિ કલાકની ઝડપે પવન ફૂંકાય તેવી શક્યતા છે. 5-15 મીમી/કલાકના છૂટાછવાયા વરસાદની આગાહી છે. તો, દ્વારકા, જામનગર, રાજકોટ, અમરેલી, મોરબી, સુરેન્દ્રનગર, કચ્છમાં હળવા વરસાદની આગાહી છે.
અમદાવાદનું હવામાન બદલાયું છે
આગાહી મુજબ, અમદાવાદ સહિત સમગ્ર રાજ્યમાં હવામાન બદલાયું છે. મોડી રાતથી અમદાવાદ શહેરમાં વાદળછાયું વાતાવરણ રહ્યું છે અને કેટલાક વિસ્તારોમાં વરસાદી વાતાવરણ છે. થલતેજ અને એસજી હાઇવે સહિતના વિસ્તારોમાં વરસાદને કારણે રસ્તાઓ ભીંજાયા છે અને પાણીના ખાડા ભરાયા છે.
૮ મે સુધીની આગાહી
રાજ્યમાં ૮ મે સુધી પ્રીમોન્સૂન વરસાદની આગાહી છે. ૫ અને ૬ મે ના રોજ કરા અને ગાજવીજ સાથે વરસાદની આગાહી છે. ત્યારબાદ ૭ અને ૮ મે ના રોજ ગાજવીજ સાથે ભારે વરસાદની આગાહી છે. આજે સૌરાષ્ટ્ર અને કચ્છ સહિત રાજ્યમાં ગાજવીજ સાથે છૂટાછવાયા વરસાદ પડી શકે છે. ત્યારબાદ, દક્ષિણપૂર્વમાં ચક્રવાતી પરિભ્રમણ અને ટ્રફ સક્રિય થતાં, પ્રીમોન્સૂન પ્રવૃત્તિ શરૂ થઈ ગઈ છે, અને વરસાદી વાતાવરણ પ્રબળ બન્યું છે.
અમદાવાદમાં વરસાદ પડ્યો છે
અમદાવાદ શહેરમાં હવામાન બદલાયું છે. વહેલી સવારથી વાદળછાયું વાતાવરણ છવાયું છે. અમદાવાદનું આકાશ કાળા વાદળોથી ઢંકાયેલું છે. એસજી હાઇવે, રિંગ રોડમાં હવામાન બદલાયું છે. સીજી રોડ, ગુરુકુળ, નરોડામાં હવામાન બદલાયું છે. વાવાઝોડા અને જોરદાર પવન ફૂંકાયા છે.
