ગુજરાતમાં હવે ચોમાસાનો બીજો રાઉન્ડ આવશે. જુલાઈની શરૂઆતથી ભારેથી અતિભારે વરસાદની આગાહી કરવામાં આવી છે. હવામાન વિભાગે 7 જુલાઈ સુધી વરસાદની આગાહી કરી છે. હવામાન વિભાગના જણાવ્યા અનુસાર, સાબરકાંઠા, અરવલ્લી સહિત રાજ્યના વિવિધ જિલ્લાઓમાં ભારે વરસાદની શક્યતા છે. આજે ભાવનગર, અમરેલી, ઉત્તર ગુજરાત અને મધ્ય ગુજરાત અને દક્ષિણ ગુજરાતના કેટલાક ભાગોમાં ભારે વરસાદની શક્યતા છે.
હવામાન વિભાગના જણાવ્યા અનુસાર, આજે 1 જુલાઈ, 2025 ના રોજ સાબરકાંઠા, અરવલ્લી, મહિસાગર, દાહોદ, પંચમહાલ, છોટા ઉદેપુર, વડોદરા, ભરૂચ, નર્મદા, સુરત, તાપી, ડાંગ, નવસારી, વલસાડ, અમરેલી, ભાવનગર જિલ્લામાં ભારે વરસાદની આગાહી કરવામાં આવી છે. જ્યારે અમદાવાદ, રાજકોટ, ગાંધીનગર, મહેસાણા, કચ્છ, મોરબી, સુરેન્દ્રનગર, જામનગર, બનાસકાંઠા સહિત રાજ્યના અન્ય જિલ્લાઓમાં હળવાથી મધ્યમ વરસાદની આગાહી કરવામાં આવી છે.
સાબરકાંઠા, અરવલ્લી, મહિસાગર, દાહોદ, નવસારી, વલસાડ જિલ્લામાં ભારે વરસાદ પડી શકે છે. જ્યારે અમરેલી, ભાવનગર, બનાસકાંઠા, મહેસાણા, પંચમહાલ, છોટા ઉદેપુર, વડોદરા, ભરૂચ, નર્મદા, સુરત, તાપી, ડાંગ જિલ્લામાં ભારે વરસાદની સંભાવના છે. આ ઉપરાંત રાજકોટ, અમદાવાદ, ગાંધીનગર, પાટણ, આણંદ, ખેડા, જૂનાગઢ, કચ્છ સહિત રાજ્યના અન્ય જિલ્લાઓમાં હળવોથી મધ્યમ વરસાદ પડી શકે છે.
બનાસકાંઠા, સાબરકાંઠા જિલ્લામાં 3 જુલાઈએ ભારે વરસાદની આગાહી કરવામાં આવી છે. જ્યારે કચ્છ, પાટણ, મહેસાણા, ગાંધીનગર, અરવલ્લી, મહિસાગર, ખેડા, પંચમહાલ, દાહોદ, ગીર સોમનાથ, અમરેલી, ભાવનગર, સુરત, તાપી, ડાંગ, નવસારી, વલસાડ જિલ્લામાં ભારે વરસાદ પડી શકે છે. આ ઉપરાંત અમદાવાદ, આણંદ, વડોદરા, ભરૂચ, સુરેન્દ્રનગર, મોરબી, રાજકોટ, જૂનાગઢ સહિત અન્ય જિલ્લાઓમાં હળવાથી મધ્યમ વરસાદની આગાહી કરવામાં આવી છે.
4 જુલાઇએ સાબરકાંઠા, અરવલ્લી, મહિસાગર, દાહોદ, નવસારી, વલસાડ, ભાવનગર, અમરેલી, ગીર સોમનાથ જિલ્લામાં ભારે વરસાદની સંભાવના છે. જ્યારે અમદાવાદ, રાજકોટ, વડોદરા, મહેસાણા, ગાંધીનગર, કચ્છ સહિત રાજ્યના અન્ય જિલ્લાઓમાં હળવાથી મધ્યમ વરસાદની આગાહી કરવામાં આવી છે.
5 જુલાઈએ અરવલ્લી, મહિસાગર, દાહોદ જિલ્લામાં ભારેથી અતિભારે વરસાદની આગાહી કરવામાં આવી છે. જ્યારે નવસારી, વલસાડ, ગીર સોમનાથ, ભાવનગર, અમરેલી, છોટા ઉદેપુર, પંચમહાલ, કચ્છ, પાટણ, બનાસકાંઠા, મહેસાણા અને સાબરકાંઠા જિલ્લામાં ભારે વરસાદ પડી શકે છે. જ્યારે રાજ્યના અન્ય જિલ્લાઓમાં હળવાથી મધ્યમ વરસાદની શક્યતા છે.
