દેશભરમાં ચોમાસાની શરૂઆત થઈ ગઈ છે, દક્ષિણ ભારતના રાજ્યોમાં હાલમાં વરસાદી વાતાવરણ છે, અને ચોમાસું ધીમે ધીમે ઉત્તર ભારત તરફ આગળ વધી રહ્યું છે. હવે અંબાલાલે ગુજરાતમાં ચોમાસાના આગમન અંગે મોટી આગાહી કરી છે, ચોમાસું 10 જૂન સુધીમાં ગુજરાતમાં પ્રવેશ કરશે. ગુજરાત માટે ચોમાસાની નવી આગાહી આવી છે. નબળું પડેલું ચોમાસું 10 જૂનની આસપાસ દક્ષિણ ગુજરાતમાં પ્રવેશ કરે તેવી શક્યતા છે. નિષ્ણાતો માને છે કે દક્ષિણ પશ્ચિમ ચોમાસું 12 થી 16 જૂન સુધી ગુજરાતને આવરી લેશે.
હાલમાં, સ્થાનિક સિસ્ટમને કારણે, રાજ્યના વિવિધ ભાગોમાં ભારે પવન સાથે હળવો વરસાદ પડી રહ્યો છે અને હજુ પણ સામાન્ય વરસાદની શક્યતા છે. હાલમાં, દેશના દક્ષિણ ભાગોમાં, ખાસ કરીને કેરળમાં ચોમાસાના આગમન પછી દક્ષિણ પશ્ચિમ ચોમાસું ઝડપથી આગળ વધી રહ્યું હતું, પરંતુ મહારાષ્ટ્ર પહોંચ્યા પછી તેની ગતિ સ્થિર થઈ ગઈ છે. હવે ગુજરાત ચોમાસાની આતુરતાથી રાહ જોઈ રહ્યું છે. રાજ્યમાં આ દિવસોમાં ઊંચા તાપમાન અને ભેજની ફરિયાદ લોકો કરી રહ્યા છે, ત્યારે નબળું પડેલું ચોમાસુ 10 જૂનની આસપાસ દક્ષિણ ગુજરાતમાં પ્રવેશ કરે તેવી શક્યતા છે. ઉપરાંત, 12 થી 16 જૂન દરમિયાન ચોમાસુ ગુજરાતના મોટાભાગના વિસ્તારોને આવરી લેશે. 18 જૂનની આસપાસ બંગાળની ખાડીમાં એક મજબૂત પવન સિસ્ટમ બનશે, જે ગુજરાતના વિવિધ ભાગોમાં વરસાદ લાવી શકે છે. આ સિસ્ટમની અસરને કારણે, રાજ્યના દરિયાકાંઠાના વિસ્તારોમાં ભારે વરસાદની શક્યતા છે. 5 થી 9 જૂન દરમિયાન અણધાર્યો વરસાદ પડી શકે છે, જે ખાસ કરીને અમદાવાદ, રાજકોટ અને સુરેન્દ્રનગર જેવા વિસ્તારોમાં જોવા મળી શકે છે.
હવામાનશાસ્ત્રી અંબાલાલ પટેલે આગાહી કરી છે કે પશ્ચિમથી ફૂંકાતા ગરમ પવનોને કારણે મહારાષ્ટ્રમાં ચોમાસાની ગતિ બંધ થઈ ગઈ હતી. આ ગરમ પવનોએ ચોમાસાની સિસ્ટમને અસર કરી હતી, જેના પરિણામે તે સ્થિર થઈ ગઈ છે. જોકે, હવે ચોમાસાની ગતિ ફરી વધવાની શક્યતા છે. મુંબઈ અને મહારાષ્ટ્રના અન્ય ભાગોમાં ૮ થી ૧૨ જૂન દરમિયાન વરસાદ શરૂ થશે. આ સમયગાળા દરમિયાન, મહારાષ્ટ્રના વિવિધ ભાગોમાં હળવો થી મધ્યમ વરસાદ પડવાની શક્યતા છે, જેનાથી ચોમાસું ગુજરાત તરફ આગળ વધવાનો માર્ગ મોકળો થશે. ૧૦ જૂનની આસપાસ દક્ષિણ ગુજરાત અને દક્ષિણ સૌરાષ્ટ્રના કેટલાક ભાગોમાં નબળું ચોમાસું પ્રવેશવાની શક્યતા છે. આ વિસ્તારોમાં હળવો વરસાદ શરૂ થઈ શકે છે, જે ખેડૂતોને ખેતીની તૈયારીઓ શરૂ કરવાનો સંકેત આપશે. ૧૨ થી ૧૬ જૂન દરમિયાન ચોમાસું ગુજરાતના મોટાભાગના ભાગોને આવરી લેશે.
