ટોક્યો ઓલિમ્પિકમાં ભાલા ફેંકમાં ભારતનું ગોલ્ડ મેડલનું સપનું સાકાર કરનાર ખેલાડી નીરજ ચોપરાની નેટવર્થ કરોડો રૂપિયામાં છે. આ સાથે તેની પાસે શાનદાર કારોનું કલેક્શન પણ છે. સ્ટાર એથ્લેટ નીરજ ચોપરા હાલમાં પેરિસ ઓલિમ્પિકમાં ગોલ્ડ મેડલ જીતવાની તૈયારી કરી રહ્યો છે. અમે તમને તેની નેટવર્થ વિશે જણાવી રહ્યા છીએ. યુવા ભાલા ફેંકનાર અને ટોક્યો ઓલિમ્પિક 2020માં ગોલ્ડ મેડલ વિજેતા નીરજ ચોપરાને કોઈ ઓળખની જરૂર નથી. પેરિસ ઓલિમ્પિક શરૂ થતાં જ આખા દેશને નીરજ ચોપરા પાસેથી ગોલ્ડ મેડલની અપેક્ષા છે.
ટોક્યો ઓલિમ્પિકમાં ગોલ્ડ મેડલ જીત્યા બાદ નીરજ ચોપરાની ફેન ફોલોઈંગમાં જબરદસ્ત વધારો થયો છે. આ સાથે તેની નેટવર્થમાં પણ વધારો થયો છે. તે દેશના સૌથી અમીર ખેલાડીઓમાંથી એક છે. Indiatime.com ના અહેવાલ મુજબ જુલાઈ 2024 સુધીમાં નીરજ ચોપરાની નેટવર્થ $4.5 મિલિયન એટલે કે રૂ. 37.6 કરોડ છે. તેની મોટાભાગની કમાણી બ્રાન્ડ એન્ડોર્સમેન્ટમાંથી આવે છે.
તેને અલગ-અલગ સ્પર્ધાઓ દ્વારા વાર્ષિક 4 કરોડ રૂપિયાનો પગાર મળે છે. ખાસ વાત એ છે કે આ તેની આવકના માત્ર 10 ટકા છે. વિરાટ કોહલી બાદ તે જાહેરાતો દ્વારા સૌથી વધુ કમાણી કરનાર ખેલાડી બની ગયો છે. તે JSW સ્પોર્ટ્સ, ઓમેગા, મોબિલ ઈન્ડિયા, લિમ્કા, TATA AIA લાઈફ ઈન્સ્યોરન્સ મસલબ્લેઝ, નાઈકી અને અંડર આર્મર જેવી ઘણી બ્રાન્ડ્સને સમર્થન આપે છે. 26 વર્ષના નીરજ ચોપરાનું હરિયાણાના પાણીપતમાં આલીશાન ઘર છે. આ ઘર ત્રણ માળનું છે.
નીરજ ચોપરાને પણ મોંઘી કારનો શોખ છે. તેમની પાસે મહિન્દ્રા XUV 700 છે, જે તેમને મહિન્દ્રા એન્ડ મહિન્દ્રા ગ્રુપના ચેરમેન આનંદ મહિન્દ્રાએ પોતે ભેટમાં આપી છે. આ સિવાય તેમના કાર કલેક્શનમાં ફોર્ડ મસ્ટાંગ જીટી, રેન્જ રોવર સ્પોર્ટ, ટોયોટા ફોર્ચ્યુનર અને મહિન્દ્રા થાર જેવી લક્ઝુરિયસ કાર પણ સામેલ છે.
