‘મે નરેન્દ્ર દામોદરદાસ મોદી….’ આ શબ્દો ફરી એકવાર રાષ્ટ્રપતિ ભવનમાં સાંભળવા મળ્યા. પ્રસંગ હતો નરેન્દ્ર મોદીના ત્રીજી વખત વડાપ્રધાન તરીકેના શપથનો, જેમાં ઉદ્યોગપતિ મુકેશ અંબાણી અને સુપરસ્ટાર શાહરૂખ ખાન સહિત લગભગ 8 હજાર લોકોએ હાજરી આપી હતી. PM મોદીના શપથ ગ્રહણ સમારોહની મુકેશ અંબાણી અને શાહરૂખ ખાનની એક તસવીર સોશિયલ મીડિયા પર વાયરલ થઈ રહી છે, જેમાં બંને સાથે બેઠેલા જોવા મળી રહ્યા છે અને તેમના ચહેરા પર સ્મિત જોવા મળી રહ્યું છે. જોકે, અંબાણી અને SRKના હાથમાં કંઈક એવું જોવા મળ્યું, જેને જોઈને લોકો આશ્ચર્યચકિત થઈ ગયા.
આખરે શાહરુખ અને અંબાણીના હાથમાં શું જોવા મળ્યું?
વાસ્તવમાં શપથ ગ્રહણ સમારોહ દરમિયાન મહેમાનોની વચ્ચે બેઠેલા શાહરૂખ ખાન અને મુકેશ અંબાણીના હાથમાં ORSનું ટેટ્રા પેક જોવા મળ્યું હતું, જેની બજાર કિંમત 31 રૂપિયા હોવાનું કહેવાય છે. આ ટેટ્રા પેક લોકોનું ધ્યાન આકર્ષિત કરી રહ્યું છે. લોકો તેની તસવીર શેર કરી રહ્યા છે અને અનેક પ્રકારની કોમેન્ટ કરી રહ્યા છે. ખાસ કરીને આવી મોટી હસ્તીઓના હાથમાંનું સાદું પીણું ઇન્ટરનેટ યુઝર્સમાં કુતૂહલનો વિષય બની ગયું છે.
વાયરલ તસવીર પર કોમેન્ટ કરતાં એક ઈન્ટરનેટ યુઝરે લખ્યું કે, “આ રીતે ORS પીવા માટે ફક્ત એટલા પૈસાદાર બનવાની જરૂર છે.” અન્ય એક ઈન્ટરનેટ યુઝરે ટિપ્પણી કરી, “તે સોડા ડ્રિંક કરતાં વધુ સારું છે. તે હવામાન માટે યોગ્ય છે. તાજેતરમાં તેને (શાહરૂખ ખાન) પણ હીટસ્ટ્રોક આવ્યો હતો, તેથી સાવચેતી જરૂરી છે.” એક યુઝરે લખ્યું છે કે, “મેં પણ આજે એ જ ORS પીધું હતું.” એક યુઝરે પૂછ્યું છે કે, “તેઓ ORS કેમ પી રહ્યા છે? ક્રુઝ પાર્ટીનો થાક હોવો જોઈએ?”
આ સેલેબ્સ પીએમ મોદીના શપથ ગ્રહણ સમારોહમાં સામેલ થયા હતા
પીએમ મોદીના શપથ ગ્રહણ સમારોહમાં શાહરૂખ ખાન તેની મેનેજર પૂજા દદલાની સાથે પહોંચ્યો હતો. મુકેશ અંબાણીએ નાના પુત્ર અનંત અને જમાઈ આનંદ પીરામલ સાથે હાજરી આપી હતી. બિઝનેસમેન ગૌતમ અદાણી પત્ની પ્રીતિ અને ભાઈ રાજેશ અદાણી સાથે પહોંચ્યા હતા. તેમના સિવાય, અક્ષય કુમાર, રજનીકાંત, અનુપમ ખેર, અનિલ કપૂર, રવિના ટંડન, વિક્રાંત મેસી અને રાજકુમાર હિરાની સહિત અન્ય ઘણા સેલેબ્સ પણ આ ઐતિહાસિક ક્ષણોના સાક્ષી બન્યા હતા.
