આર્થિક સંકટનો સામનો કરી રહેલા પાકિસ્તાનના લોકો ફરી એકવાર મોંઘવારીથી ત્રસ્ત છે. નાણા મંત્રાલયે મંગળવારે પેટ્રોલ અને હાઇ સ્પીડ ડીઝલના ભાવમાં વધુ વધારાની જાહેરાત કરી હતી, જે એક મહિનામાં બીજો વધારો છે. મંત્રાલયે X (Twitter) પર એક પોસ્ટમાં જણાવ્યું હતું કે 16 ઓગસ્ટથી પેટ્રોલની કિંમત 17.50 પાકિસ્તાની રૂપિયા વધીને 290.45 રૂપિયા ($0.9991) પ્રતિ લિટર થઈ જશે. 20 રૂપિયાના વધારા બાદ હાઈ સ્પીડ ડીઝલની કિંમત હવે 293.40 રૂપિયા ($1.01) પ્રતિ લીટર થઈ જશે.
આ મહિનાની શરૂઆતમાં કિંમતોમાં વધારો કરવામાં આવ્યો હતો
તમને જણાવી દઈએ કે આ મહિનાની શરૂઆતમાં, દેશે ઈન્ટરનેશનલ મોનેટરી ફંડ (IMF) સાથેના કરારમાં નિર્ધારિત રાજકોષીય ઉદ્દેશ્યોને પૂરા કરવા માટે પેટ્રોલ અને ડીઝલના ભાવમાં વધારો કર્યો હતો, જેના કારણે મોંઘવારી આસમાને પહોંચી હતી. કિંમતોમાં આ વધારો એવા સમયે થયો છે જ્યારે પાકિસ્તાનની નેશનલ એસેમ્બલીનું વિસર્જન કરવામાં આવ્યું છે અને દેશના કેરટેકર પીએમ અનવર-અલ-હક કાકરે સોમવારે જ પદના શપથ લીધા છે. તેઓ આગામી ચૂંટણી સુધી આ પદ પર રહેશે.
તેલ મોરચે પાકિસ્તાનની વધુ એક નિષ્ફળતા
પાકિસ્તાનને તેલના મોરચે જ મોટો આંચકો લાગ્યો છે. તેને રશિયન ક્રૂડ ઓઈલની આયાત બંધ કરવી પડી છે.પાકિસ્તાન સરકારે તેના નિર્ણય માટે રશિયન ક્રૂડ ઓઈલની ગુણવત્તાને જવાબદાર ગણાવી છે. ઈકોનોમિક ટાઈમ્સના સમાચાર મુજબ પાકિસ્તાની રિફાઈનરીઓએ રશિયન ઓઈલ પ્રોસેસ કરવાનો ઈન્કાર કરી દીધો છે.
11 અને 26 જૂને રશિયાના બે ક્રૂડ ઓઈલ જહાજ કરાચી બંદરે પહોંચ્યા હતા, ત્યાર બાદ કોઈ રશિયન ઓઈલ જહાજ પાકિસ્તાન પહોંચ્યું ન હતું. પ્રથમ કન્સાઈનમેન્ટમાં 45,000 ટન ક્રૂડ ઓઈલ હતું. લગભગ 56,000 ટન ક્રૂડ ઓઈલ સાથેનું બીજું જહાજ 26 જૂને કરાચી બંદર પર લંગરાયું હતું.
Read More
- સોનું અસલી છે કે નકલી કેવી રીતે ઓળખવું? એક્સપેર્ટે ટીપ્સ આપી,ઘરે પણ જાણી શકો છો..
- બુલેટ પ્રુફ જેકેટ અને હાઈ સિક્યોરિટી રૂમ હોવા છતાં સુખદેવ ગોગામેડીએ આટલી બેદરકારી કેમ દાખવી?
- જાણો ઇન્સ્ટાગ્રામ સ્ટાર સોફિયા અંસારી દર મહિને કેટલી કમાણી કરે છે? તમને જાણીને નવાઈ લાગશે
- આજે માં ખોડિયારના આશીર્વાદથી આ રાશિના જાતકોનું ભાગ્ય સૂર્ય કરતા તેજ ચમકશે
- ખજુરભાઈ લગ્ન બંધનમાં બંધાયા..નીતિન જાનીઅને મીનાક્ષી દવેએ પ્રભૂતામાં પગલાં પાડ્યા
