વડાપ્રધાન નરેન્દ્ર મોદી પર ચૂંટણી પ્રતિબંધની માંગ કરતી અરજી દિલ્હી હાઈકોર્ટમાં દાખલ કરવામાં આવી છે. આ અરજી પર આજે સુનાવણી થવાની હતી.
પરંતુ જજ સચિન દત્તા જે કેસની સુનાવણી કરવાના હતા. તે રજા પર ગયા. જે બાદ હવે આ અરજી પર સુનાવણીની તારીખ 29 એપ્રિલ સોમવાર નક્કી કરવામાં આવી છે. જોવાનું એ રહે છે કે આ અરજી પર દિલ્હી હાઈકોર્ટનું શું વલણ છે?
પીએમ મોદી વિરુદ્ધ શા માટે દાખલ કરવામાં આવી અરજી?
વાસ્તવમાં એડવોકેટ આનંદ એસ જોંધલે દ્વારા પીએમ મોદી વિરુદ્ધ દિલ્હી હાઈકોર્ટમાં અરજી દાખલ કરવામાં આવી છે. અરજીમાં કહેવામાં આવ્યું છે કે પીએમ મોદી હિન્દુ દેવી-દેવતાઓ અને ધાર્મિક સ્થળોના નામ પર સતત વોટ માંગી રહ્યા છે.
આ વખતે લોકસભા ચૂંટણીમાં પણ તે દેવી-દેવતાઓ અને ધાર્મિક સ્થળોના નામે વોટ મેળવવા માંગે છે. તેથી પીએમ મોદીને ચૂંટણી લડવા માટે અયોગ્ય ઠેરવવામાં આવે અને તેમના પર ચૂંટણી લડવા પર 6 વર્ષનો પ્રતિબંધ લાદવામાં આવે.
પીએમ વિરુદ્ધ ષડયંત્ર એ દેશદ્રોહ છે
આ પહેલા એક કેસની સુનાવણીમાં દિલ્હી હાઈકોર્ટની મોટી ટિપ્પણી સામે આવી છે. દિલ્હી હાઈકોર્ટે કહ્યું હતું કે દેશના વડાપ્રધાન વિરુદ્ધ ષડયંત્ર રચવું એ દેશદ્રોહ સમાન છે.
