આરબીઆઈએ ભલે વ્યાજ દરમાં ઘટાડો ન કર્યો હોય પરંતુ કેટલાક મોરચે જનતાને ચોક્કસ રાહત આપી છે. આ સંદર્ભમાં રિઝર્વ બેંકે UPI ચુકવણી મર્યાદામાં વધારો કર્યો છે. હવે UPI 123 પે માટે પ્રતિ ટ્રાન્ઝેક્શન મર્યાદા ₹5,000 થી વધીને ₹10,000 થઈ ગઈ છે. વધુમાં UPI Lite વૉલેટની મર્યાદા ₹2,000 થી વધારીને ₹5,000 કરવામાં આવી છે, અને UPI Lite માટેની પ્રતિ-ટ્રાન્ઝેક્શન મર્યાદા પણ ₹100 થી વધારીને ₹500 કરવામાં આવી છે.
અગાઉ 8 ઓગસ્ટ, 2024 ની નાણાકીય નીતિમાં, RBI એ UPI દ્વારા કર ચૂકવણીની મર્યાદા 1 લાખ રૂપિયાથી વધારીને 5 લાખ રૂપિયા કરવાની જાહેરાત કરી હતી.
ડિજિટલ પેમેન્ટનું ઝડપથી વધી રહ્યું છે
PwC ઇન્ડિયાના રિપોર્ટ અનુસાર UPI પર ટ્રાન્ઝેક્શનની સંખ્યા 2028-29 સુધીમાં વધીને 439 અબજ થવાની ધારણા છે, જે ગયા નાણાકીય વર્ષમાં લગભગ 131 અબજ હતી. ખાસ વાત એ છે કે આ આંકડો કુલ રિટેલ ડિજિટલ પેમેન્ટના 91 ટકા છે.
“ધ ઈન્ડિયન પેમેન્ટ્સ હેન્ડબુક – 2024-29” રિપોર્ટમાં, છેલ્લાં 8 વર્ષમાં ભારતના ડિજિટલ પેમેન્ટની સ્થિતિનું વર્ણન કરતાં, તે 3 ગણાથી વધુ વિસ્તરણની અપેક્ષા છે. આવી સ્થિતિમાં ડિજિટલ પેમેન્ટની સંખ્યા 2023-24માં 159 અબજથી વધીને 2028-29 સુધીમાં 481 અબજ થઈ જશે.
