મહેન્દ્ર સિંહ ધોનીની પત્ની સાક્ષી ધોનીએ રવિવારે ચેન્નાઈ સુપર કિંગ્સ ટીમને એક ખાસ અપીલ કરી હતી જેની ખૂબ જ ચર્ચા છે. હકીકતમાં સનરાઇઝર્સ હૈદરાબાદ સામેની મેચ દરમિયાન સાક્ષી ધોનીએ ઇન્સ્ટાગ્રામ પર એક સ્ટોરી પોસ્ટ કરી અને ટીમને ઝડપથી મેચ ખતમ કરવાની અપીલ કરી કારણ કે તે જલ્દી જ આંટી બનવાની છે.
ઈન્સ્ટાગ્રામ પર સ્ટોરી શેર કરતી વખતે સાક્ષી ધોનીએ લખ્યું, મહેરબાની કરીને ચેન્નાઈ સુપર કિંગ્સ આજે વહેલી રમત પૂરી કરો. બાળક જલ્દી આવવાનું છે. ભાવિ કાકીની આપ સૌને આ અપીલ છે. મહત્વની વાત એ છે કે ચેન્નાઈની ટીમે સમય પહેલા મેચ સમાપ્ત કરી દીધી અને આ IPLની સૌથી મોટી હાર પણ સનરાઈઝર્સ હૈદરાબાદને આપી.
મેચમાં પ્રથમ બેટિંગ કરતા ચેન્નાઈની ટીમે 212 રન બનાવ્યા હતા. જેનો પીછો કરતા હૈદરાબાદની ટીમ 19મી ઓવરમાં 134 રન સુધી જ સિમિત રહી હતી. આ મેચમાં ચેન્નાઈના કેપ્ટન રૂતુરાજ ગાયકવાડે 98 રનની ઈનિંગ રમી હતી અને તે બે રનથી સદી ચૂકી ગયો હતો. તુષાર દેશપાંડેએ મેચમાં ચાર વિકેટ લઈને ચેન્નાઈની જીતને મોટી બનાવવામાં મહત્વનો ફાળો આપ્યો હતો.
આ મેચમાં ઋતુરાજે 54 બોલમાં 98 રનની ઇનિંગ રમી હતી અને ડેરીલ મિશેલ સાથે 107 રનની ભાગીદારી કરી હતી. બંનેની શાનદાર બેટિંગના કારણે ચેન્નાઈની ટીમે 212 રન બનાવ્યા હતા. જ્યારે દેશપાંડેએ મેચમાં માત્ર 27 રન આપીને 4 વિકેટ લીધી હતી. જ્યારે પથિરાનાએ 17 રનમાં 2 વિકેટ લીધી હતી.
તરુણ દેશપાંડેએ મેચમાં 13 રનના સ્કોર પર વિસ્ફોટક બેટ્સમેન ટ્રેવિસ હેડને આઉટ કર્યો હતો જ્યારે અનમોલપ્રીત સિંહને શૂન્યના સ્કોર પર પેવેલિયન મોકલવામાં આવ્યો હતો. અભિષેક શર્માને 15 રને પેવેલિયન અને પેટ કમિન્સને 5 રનના સ્કોર પર દેશપાંડેએ પેવેલિયન મોકલ્યો હતો. જ્યારે પથિરાનાએ એડન માર્કરામ અને હેનરિક ક્લાસેનની વિકેટ લીધી હતી.
આ જીત સાથે પાંચ વખતની IPL વિજેતા ચેન્નાઈ સુપર કિંગ્સ ટીમ પોઈન્ટ ટેબલમાં પાંચમા સ્થાને પહોંચી ગઈ છે. ચેન્નાઈના 10 પોઈન્ટ છે. ચેન્નાઈનો આગામી મુકાબલો બુધવારે પંજાબ કિંગ્સ સાથે થશે.
