રાજ્યમાં બફારા વચ્ચે ચોમાસાના આગમનની રાહ જોવાઈ રહી છે. જો કે, આ દરમિયાન રાજ્યના ઘણા ભાગોમાં હવામાનમાં પલટો આવ્યો છે અને વરસાદ પણ પડ્યો છે. આ સાથે હવામાનની આગાહી પણ બહાર આવી છે. જેમાં આગામી પાંચ દિવસ દરમિયાન રાજ્યનું હવામાન કેવું રહેશે તેની આગાહી કરવામાં આવી છે. ખાસ કરીને આ પાંચ દિવસ સુધી સૌરાષ્ટ્ર, મધ્ય અને દક્ષિણ ગુજરાતમાં વરસાદની સંભાવના વ્યક્ત કરવામાં આવી છે. તેમજ વાવાઝોડાની ગતિવિધિને કારણે 30 થી 40 કિમી પ્રતિ કલાકની ઝડપે પવન ફૂંકાશે. આવો જાણીએ, હવામાન વિભાગની આગાહી…
હવામાન વિભાગના અમદાવાદ કેન્દ્રના વૈજ્ઞાનિક રામાશ્રય યાદવે આગામી પાંચ દિવસના હવામાન વિશે માહિતી આપતાં જણાવ્યું હતું કે, આગામી ચાર દિવસ સુધી દક્ષિણ ગુજરાતના કેટલાક વિસ્તારોમાં હળવાથી મધ્યમ વરસાદની આગાહી કરવામાં આવી છે. જેમાં વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ અને દાદરાનગર હવેલીનો સમાવેશ થાય છે.
તેમજ આ ચાર દિવસ દરમિયાન જ્યાં હળવો વરસાદ પડવાની સંભાવના છે તેમાં પંચમહાલ, દાહોદ, મહિસાગરનો સમાવેશ થાય છેતેમજ આ ચાર દિવસ દરમિયાન જ્યાં હળવો વરસાદ પડવાની સંભાવના છે તેમાં પંચમહાલ, દાહોદ, મહિસાગરનો સમાવેશ થાય છે.
ગુજરાત પ્રદેશ અને સૌરાષ્ટ્ર પ્રદેશના જે વિસ્તારોમાં પાંચમા દિવસે હળવા વરસાદની આગાહી કરવામાં આવી છે તેમાં સાબરકાંઠા, અરવલ્લી, દાહોદ, મહિસાગર, નર્મદા, સુરત, ડાંગ, નવસારી, વલસાડ, તાપી, દમણ અને દાદરાનગર હવેલીનો સમાવેશ થાય છે. જ્યારે સૌરાષ્ટ્ર અને કચ્છમાં અમરેલી, ભાવનગર, ગીર સોમનાથ, બોટાદ, દીવમાં હળવા વરસાદની શક્યતા વ્યક્ત કરવામાં આવી છે.
સૌરાષ્ટ્ર, મધ્ય અને દક્ષિણ ગુજરાતમાં આજથી 13 જૂન સુધી વરસાદ પડશે. વાવાઝોડાની પ્રવૃત્તિને કારણે 30 થી 40 કિમી પ્રતિ કલાકની ઝડપે પવન ફૂંકાશે.
