IPL 2024 શરૂ થઈ ગઈ છે. સમગ્ર દેશ આઈપીએલના રંગમાં રંગાઈ ગયો છે. બે દિવસમાં IPLમાં ત્રણ શાનદાર મેચો થઈ છે. 23મી માર્ચે કોલકાતાના ઈડન ગાર્ડન્સ ખાતે સનરાઈઝર્સ હૈદરાબાદ અને કોલકાતા નાઈટ રાઈડર્સ વચ્ચે મેચ રમાઈ હતી. આખી મેચ છેલ્લા બોલ પર ગઈ અને અંતે કોલકાતા નાઈટ રાઈડર્સનો વિજય થયો.
કોલકાતા નાઈટ રાઈડર્સના માલિક બોલિવૂડ બાદશાહ શાહરૂખ ખાન પણ મેદાનમાં હાજર હતો. શાહરૂખ ખાન મેદાન પર સ્મોકિંગ કરતો જોવા મળ્યો હતો. આ પહેલી ઘટના નથી જ્યારે શાહરૂખ ખાન સિગારેટ પીતા પકડાયો હોય. આ પહેલા પણ કેટલાક પ્રસંગોએ તે ફિલ્ડમાં આ રીતે સ્મોક કરતો જોવા મળ્યો છે. શું સ્ટેડિયમમાં ધૂમ્રપાનની મંજૂરી છે? ચાલો જાણીએ નિયમો શું કહે છે
સ્ટેડિયમમાં સિગારેટ પીવી ગેરકાયદેસર છે
ભારતીય બંધારણમાં કેટલાક નિયમો અને કાયદાઓ બનાવવામાં આવ્યા છે. જે અંતર્ગત કેટલીક જગ્યાએ તમે જે ઈચ્છો તે કરી શકતા નથી. તમે સાર્વજનિક સ્થળે હાજર હોવ અને તમને સિગારેટ પીવાની ઈચ્છા થાય તો તમે પી શકતા નથી. કારણ કે ભારતીય બંધારણની કલમ 278 મુજબ જાહેર સ્થળે સિગારેટ પીવી એ ગુનો છે. જો કોઈ આવું કરે તો તેના માટે દંડની જોગવાઈ છે. જો દંડ ન ભરે તો તમને જેલ પણ મોકલી શકાય છે.
સ્ટેડિયમ પણ પબ્લિક પ્લેસ હેઠળ આવે છે. આવી સ્થિતિમાં સ્ટેડિયમમાં પ્રવેશતા લોકોએ પણ આ નિયમનું પાલન કરવું પડશે. સ્ટેડિયમમાં જો કોઈ વ્યક્તિ સિગારેટ પીતી હોય તો તે પણ ગેરકાયદેસર છે. આ સાથે જ સંબંધિત ક્રિકેટ એસોસિએશન દ્વારા સ્ટેડિયમમાં કેટલાક નિયમો પણ બનાવવામાં આવ્યા છે. જેને સ્ટેડિયમમાં પ્રવેશતા દરેક દર્શકે અનુસરવાનું રહેશે. સિગારેટ ન પીવાનો પણ નિયમ છે.
શાહરૂખ આ પહેલા પણ આવું કરી ચુક્યો છે
શાહરૂખ ખાન ચેઈન સ્મોકર રહ્યો છે. તે પહેલા પણ સ્ટેડિયમમાં સિગારેટ પીતો જોવા મળ્યો છે. IPLની 2012 સીઝનમાં પણ શાહરૂખ ખાન સિગારેટ પીતા પકડાયો હતો. શાહરૂખ ખાન જયપુરના સવાઈ માનસિંહ સ્ટેડિયમમાં સિગારેટ પી રહ્યો હતો.
ત્યારબાદ આ મામલે જયપુર કોર્ટમાં તેની સામે કેસ પણ નોંધવામાં આવ્યો હતો. આ સાથે વાનખેડે સ્ટેડિયમમાં શાહરૂખ ખાને ઝઘડો પણ કર્યો હતો. જેના કારણે તેના વાનખેડે સ્ટેડિયમમાં પ્રવેશ પર પ્રતિબંધ મુકવામાં આવ્યો હતો.
