ભારતીય એથ્લેટ નીરજ ચોપરાએ ટોક્યો ઓલિમ્પિકમાં ભારત માટે ગોલ્ડ મેડલ જીત્યા બાદ પેરિસમાં પણ મેડલ જીત્યો હતો. આ ખેલાડીએ ભાલા ફેંકમાં બીજું સ્થાન મેળવીને સિલ્વર મેડલ જીત્યો હતો. આ વખતે ઓલિમ્પિકમાં આ કારનામું કરનાર તે ભારતનો એકમાત્ર ખેલાડી હતો. ગત ઓલિમ્પિકમાં ગોલ્ડ મેડલ જીતનાર નીરજ એકમાત્ર ભારતીય એથ્લેટ હતો.
પેરિસ ઓલિમ્પિકમાં શૂટર મનુ ભાકરની માતાની નીરજ ચોપરા સાથેની મુલાકાત સમાચારોમાં છે. બંને વચ્ચેની વાતચીતનો વીડિયો સોશિયલ મીડિયા પર વાયરલ થયો હતો. જેમાં મનુની માતા સુમેધા ભાકર નીરજના માથા પર હાથ મૂકતી જોવા મળી હતી. જ્યારથી આ વીડિયો સામે આવ્યો છે ત્યારથી ઘણી અટકળો થઈ રહી છે. સોશિયલ મીડિયા પર લોકોએ મનુ અને નીરજના લગ્નની વાત પણ કરી હતી.
મનુ ભાકરની માતાએ નીરજ વિશે કહ્યું, “હું તેના માટે ખૂબ જ ખુશ છું.” બધા ખેલાડીઓ માટે ખુશ છું. હું પેરિસમાં હોકી ટીમ, અમન સેહરાવત, નીરજ ચોપરાને મળી હતી. આશા છે કે આ ખેલાડીઓ ભવિષ્યમાં વધુ મેડલ જીતીને પોતાની માતા અને દેશને ગૌરવ અપાવશે.
મનુના પિતા રામ કિશને તેમની પુત્રીના લગ્ન અંગેના પ્રશ્નના જવાબમાં જણાવ્યું કે, મનુ હજુ ઘણી નાની છે. લગ્ન કરવા માટે તેની ઉંમર પણ નથી. અમે અત્યારે આ વિશે કંઈ વિચારી રહ્યા નથી. જ્યાં સુધી નીરજની વાત છે, મનુની માતા તેને પોતાના પુત્ર સમાન માને છે.
