રાજસ્થાનથી એક ઘટના સામે આવી છે મુંબઇ પોલીસે રાજસ્થાન જઈને 9 માં ધોરણમાં ભણતા 15 વર્ષના સગીર વિદ્યાર્થીની ધરપકડ કરી છે કારણકે તેને ઓનલાઇન વર્ગ દરમિયાન વિદ્યાર્થી શિક્ષિકાની સામે ઘણી વખત પોતાનો ખાનગી ભાગ બહાર કાઢ્યો હતો
ટાઇમ્સ નાઉમાં પ્રકાશિત થયેલ એક અહેવાલ પ્રમાણે 15 ફેબ્રુઆરીથી 2 માર્ચની વચ્ચે ઓનલાઇનચાલુ ક્લાસે ખાનગી ભાગો બતાવવાની આ ઘટના અનેક વખત બની હતી. જે બાદ મહિલા શિક્ષકે વર્ગ બંધ કરવાનો વિચાર પણ કર્યો હતો. પરંતુ બાદમાં પીડિત મહિલા શિક્ષકે આરોપી વિદ્યાર્થી વિરુદ્ધ મુંબઇના સકીનાકા પોલીસ સ્ટેશનમાં કેસ નોંધાવ્યો હતો.
પોલીસ અધિકારીએ માહિતી આપી હતી કે સર્વેલન્સ દ્વારા પોલીસે આરોપી છોકરાને શોધી કાઢ્યો છે અને રાજસ્થાનથી તેની ધરપકડ કરી હતી. ગયા મહિને પણ મુંબઈ પોલીસની એક ટીમ આ કેસની તપાસ માટે રાજસ્થાન પહોંચી હતી. આરોપી વિદ્યાર્થીની જેસલમેરથી ધરપકડ કરવામાં આવી હતી.
પોલીસની પૂછપરછ દરમિયાન આરોપી વિદ્યાર્થીએ જણાવ્યું કે તેણે મજાકમાં ક્લાસ દરમિયાન પોતાનો ખાનગી ભાગ બતાવ્યો હતો. ધરપકડ બાદ આરોપી વિદ્યાર્થીને કોર્ટ સમક્ષ રજુ કરવામાં આવ્યો હતો અને ત્યાંથી તેને ચિલ્ડ્રન્સ રિફોર્મ હોમમાં મોકલવામાં આવ્યો હતો.
પોલીસે આરોપી વિદ્યાર્થી પાસેથી લેપટોપ મેળવ્યું છે. અને આરોપીએ તેના લેપટોપમાં ગાર્ડ લગાવી રાખ્યું હતું જેથી તેના આઈપી ટ્રેક ન કરી શકાય. વિદ્યાર્થીએ હોશિયારીથી આ ઘટનાને અંજામ આપતી વખતે પોતાનો ચહેરો છુપાવ્યો હતો, પરંતુ એકવાર મહિલા શિક્ષિકાએ આરોપીની પૃષ્ઠભૂમિનો સ્ક્રીનશોટ લીધો. આ સ્ક્રીનશોટ તપાસમાં પોલીસ ટીમને મદદ કરી.
Read More
- ગોપાલ ઈટાલિયા આટલી સંપત્તિના માલિક છે , જાણો ઘર-ગાડી-જમીન વિશે દરેક માહિતી
- વિસાવદર બેઠક પર AAPના ઉમેદવાર ગોપાલ ઈટાલીયાની ભવ્ય જીત ! ભાજપે હાર સ્વીકારી
- 3 કલાક માટે 5 જિલ્લામાં રેડ એલર્ટ, 20 જિલ્લામાં કડાકા-ભડાકા સાથે વરસાદની આગાહી
- ગોપાલ ઇટાલિયા જીતની નજીક 12000 મતથી આગળ
- ઈરાનનું 400 કિલો યુરેનિયમ ક્યાં ગયું? અમેરિકન હુમલા બાદ પ્રશ્નો ઉભા થઈ રહ્યા છે, કોઈની પાસે જવાબ નથી
