ક્ષત્રિય સમાજ વિશે પરસોત્તમ રૂપાલાની વિવાદાસ્પદ ટિપ્પણીએ રાજ્યભરમાં ખળભળાટ મચાવી દીધો છે. રૂપાલાની ટીકીટ રદ કરવાની માંગણી સાથે ક્ષત્રિય સમાજ મેદાન-એ-જંગમાં ઉતર્યો છે. જેમાં ગુજરાત ભાજપના ચાર દિગ્ગજ નેતાઓ પર ક્ષત્રિય સમાજની મહિલાઓએ મોટો આરોપ લગાવ્યો છે. ગાંધીનગરમાં ગત મોડીરાત્રે ક્ષત્રિય આગેવાનો સાથેની બેઠક અપેક્ષા મુજબ નિષ્ફળ ગઈ હતી, પરંતુ આ બેઠકના કારણે ક્ષત્રિય સમાજમાં ખાસ કરીને મહિલાઓમાં ભારે રોષ, આક્રોશ અને નારાજગી જોવા મળી હતી. મુખ્યમંત્રીના નિવાસ સ્થાને આ બેઠક યોજીને ક્ષત્રિયો તેમની માંગણીઓ સ્વીકારવામાં સફળ થયા ન હતા, પરંતુ આંદોલનાત્મક કાર્યક્રમો મોકૂફ રહેતા રૂપાલા નિર્વિઘ્ને રાજકોટમાં ઉમેદવારી નોંધાવવામાં સફળ રહ્યા હતા.
જૌહરની જાહેરાત કરનારા પાંચ ક્ષત્રણીઓ વતી, એક ક્ષત્રણીએ વિડિયો દ્વારા નિવેદન આપ્યું હતું કે, “જ્યારે અમે જૌહર કરવા ગયા હતા, ત્યારે ચાર મોટી હસ્તીઓ જેઓ એવા નેતાઓ હતા જેઓ વડાપ્રધાન મોદીજી સાથે સીધી વાત કરી શકતા હતા. અમને મળવા આવ્યા હતા. ગુજરાત ભાજપના દિગ્ગજ નેતાઓએ આવીને અમને સમજાવવાની કોશિશ કરી, અમને ખાતરી આપી કે તમે લોકો ચિંતા ન કરો, રૂપાલાની ટિકિટ કેન્સલ થઈ જશે, બધું સારું થઈ જશે, અને અમને એ સમયે જૌહર કરતા અટકાવ્યા હતા એક મોટી રમત અમને સંકલન સમિતિમાં સંપૂર્ણ વિશ્વાસ નથી.
કચ્છની એક ક્ષત્રિય મહિલાએ કહ્યું કે, અસંખ્ય સંમેલનો યોજાયા, રેલીઓ યોજાઈ, વિશાળ મેળાવડા થયા, પણ ગમે તેટલા લોકો ભેગા થયા, રૂપાલાના વાળ પણ વાંકા ન થયા, ટિકિટ કેન્સલ થઈ શકી નહીં. બીજેપી તુષી નથી એટલે સમજો કે તેમને ક્ષત્રિય વોટની જરૂર નથી. અમે મોટી મોટી વાતો કરી પણ પરિણામ શું આવ્યું? રૂપાલાએ ફોર્મ ભર્યું. બીજી ક્ષત્રાણીએ કહ્યું કે રેટરિક બંધ કરો અને પરિણામ લાવો. સિંહ અને સિંહણ મેદાનમાં પડે તો પરિણામ લાવો. તમે રાજકોટમાં આટલું મોટું સંમેલન કર્યું જેમાં માત્ર ભાષણો જ થયા. શૂન્ય પરિણામ. પહેલા એવું લાગતું હતું કે કોર્ટની દીકરી સુરક્ષિત છે, પરંતુ હવે કોઈ દીકરી-બહેન સુરક્ષિત નથી. સિંહો બરફ જેવા ઠંડા થઈ ગયા છે. રોષે ભરાયેલી ક્ષત્રિય સમાજની મહિલાઓ દ્વારા આવા નિવેદનો કરવામાં આવતા હોવાના અહેવાલો છે.
ઉલ્લેખનીય છે કે પુરુષોત્તમ રૂપાલાએ મંગળવારે વિજય મુર્હૂતની જગ્યાએ લાભ ચોઘડિયામાં 11:30 થી 11:30 દરમિયાન રાજકોટ ભાજપ બેઠક પરથી ઉમેદવારી નોંધાવવા માટે ફોર્મ ભર્યું હતું. રૂપાલાની સાથે સીટીંગ સાંસદ મોહન કુંડારીયાએ ડમી ઉમેદવાર તરીકે ફોર્મ ભર્યું છે. રૂપાલાએ ફોર્મ ભર્યા બાદ પોતાની જીતનો વિશ્વાસ વ્યક્ત કર્યો હતો. તો ઉમેદવારી ફોર્મ ભરતા પહેલા રૂપાલાએ વિશાળ જનમેદનીને સંબોધન કર્યું હતું.
ઉમેદવારી નોંધાવ્યા બાદ રૂપાલાએ તેમના સંબોધનમાં ક્ષત્રિય સમાજનો ઉલ્લેખ કર્યો હતો:
સૌરાષ્ટ્ર ભાજપના અનેક દિગ્ગજ નેતાઓએ સંબોધન કર્યું હતું અને રૂપાલાને ભારે ધામધૂમથી જીતાડવા હાકલ કરી હતી. તો રૂપાલાએ પોતાના સંબોધનમાં ક્ષત્રિય સમાજનો પણ ઉલ્લેખ કર્યો હતો. આ સભામાં ક્ષત્રિય સમાજના અનેક લોકો પણ જોડાયા હતા. જેમાં કેશરીદેવસિંહ ઝાલા, જયરાજસિંહ જાડેજા સહિત અનેક મોટા નેતાઓ પણ જાહેરસભામાં ઉપસ્થિત રહ્યા હતા. રૂપાલાએ ફરી એકવાર ક્ષત્રિયોને સાથ અને સહકારની અપીલ કરી હતી.
