ભારત વિશ્વનું ત્રીજું સૌથી મોટું કાર બજાર છે પરંતુ આપણા માત્ર છ ટકા પરિવારો પાસે જ કાર છે. એવો કોઈ દેશ નથી કે જ્યાં તમામ પરિવારો પાસે વાહનો હોય. પરંતુ આ યાદીમાં ઈટાલી ટોચ પર છે. યુરોપના આ દેશમાં 89 ટકા પરિવારો પાસે કાર છે.
વિશ્વની સૌથી મોટી અર્થવ્યવસ્થા ધરાવતો દેશ અમેરિકા આ યાદીમાં બીજા સ્થાને છે. અમેરિકામાં 88 ટકા પરિવારો પાસે કાર છે. પ્યુ રિસર્ચ સેન્ટર અનુસાર જર્મનીમાં 85 ટકા પરિવારો, ફ્રાન્સમાં 83 ટકા, દક્ષિણ કોરિયામાં 83 ટકા, જાપાનમાં 81 ટકા અને સ્પેનમાં 79 ટકા લોકો પાસે કાર છે.
લાંબા સમયથી આર્થિક સંકટનો સામનો કરી રહેલા યુરોપિયન દેશ ગ્રીસમાં 76 ટકા પરિવારો કારના માલિક છે. બ્રિટનમાં 74 ટકા પરિવારો પાસે કાર છે, જ્યારે ઇઝરાયેલમાં આ સંખ્યા 71 ટકા છે. પોલેન્ડમાં 64 ટકા, રશિયામાં 55 ટકા, ચિલીમાં 49 ટકા, બ્રાઝિલમાં 47 ટકા, આર્જેન્ટિનામાં 43 ટકા, તુર્કીમાં 42 ટકા, મેક્સિકોમાં 35 ટકા, દક્ષિણ આફ્રિકામાં 31 ટકા અને યુક્રેનમાં 29 ટકા પરિવારો પાસે કાર છે.
આ વસ્તી ઇજિપ્તમાં 20 ટકા, નાઇજીરિયામાં 18 ટકા, ચીનમાં 17 ટકા, ફિલિપાઇન્સમાં છ ટકા, કેન્યામાં પાંચ ટકા, ઇન્ડોનેશિયામાં ચાર ટકા, પાકિસ્તાનમાં ત્રણ ટકા, બાંગ્લાદેશમાં બે ટકા અને વિયેતનામમાં બે ટકા છે.
ભારતનું પેસેન્જર વ્હિકલ માર્કેટ આશરે રૂ. 4.5 લાખ કરોડનું છે. 2023માં પહેલીવાર દેશમાં 40 લાખથી વધુ વાહનોનું વેચાણ થયું હતું. ઇન્ડસ્ટ્રીના અંદાજ મુજબ ગયા કેલેન્ડર વર્ષમાં દેશમાં 41 લાખ પેસેન્જર વાહનોનું વેચાણ થયું હતું. જે 2022ની સરખામણીમાં લગભગ 8.2 ટકા વધુ છે. વર્ષ 2022માં દેશમાં કુલ 37.9 લાખ વાહનોનું વેચાણ થયું હતું. આ વર્ષે દેશમાં 43 થી 44 લાખ વાહનોનું વેચાણ થવાનો અંદાજ છે.
